පාර කිව්වේ කලින් ඇල්ලූ වඩු කාර්මිකයෝ…
තරුණයා ඝාතනය වී ඒ වන විට සති දෙකකට වැඩි කාලයක් ගතවී ඇති බැවින් හඳුනා ගැනීමට නොහැකි ලෙස සිරුර නරක් වී තිබී ඇත. රක්ෂිතයේ ඇති විශාල මහෝගනී ගසක් මුල සිරුර තිබී හමුවූ බව පොලිසිය සඳහන් කළේය. සිරුර තිබී ඇත්තේ ප්රධාන මාර්ගයේ සිට මීටර 150ක් පමණ කැලෑවට වන්නටය.
තරුණයාව පනිරෙන්ඩාව රක්ෂිතයට රැගෙන යෑමට මඟ කියා ඇත්තේ වැලිමඩින් අත්අඩංගුවට ගත් වඩු කාර්මිකයන් දෙදෙනා බවත් ඔවුන් දෙදෙනා කාලයක් මාදම්පේ පිහිටි වඩු මඩුවක සේවයේ නිරතව සිට ඇති බැවින් මෙම රක්ෂිතය ගැන තොරතුරු දැන සිට ඇති බවත් විමර්ශනවලින් හෙළි වී ඇත.
සිඟිතිගේ දියණියගේ පෙම්වතා නිවෙසට ගෙන්වාගෙන දියණිය ගැබිනියක් බවට පත්වීම ගැන ප්රශ්න කර අත් බැඳ ඔහුව සිඟිතිගේ මහ ගෙදරට රැගෙන ගොස් වැසිකිළියේ සිර කර තැබූ බවත් පසුව තමන් බස් රථයකට ගොඩ කර ගමේ යන ලෙස සිඟිති පැවසූ බවත් ඉන් එහාට කිසිවක් තමන් නොදන්නා බවත් ඔවුන් විසින් පවසා තිබිණි.
මෙම අපරාධය වසන් කිරීමේ අපේක්ෂාව ඇතිව දේශපාලනඥයන් කිහිපදෙනකුගෙන් මෙන්ම විශ්රාමික නියෝජ්ය පොලිස්පතිවරයකුගේ ද නීති උපදෙස් ඇතිව සුජිත් ප්රනාන්දු නොහොත් සිඟිති නමැති ප්රධාන සැකකරු සිය බිරිය වන දිලානි ශානිකා සමඟ කුලියාපිටිය අධිකරණයට භාරවීමෙන් අනතුරුව කුලියාපිටිය පොලිසිය සිදු කළ විශේෂ මෙහෙයුමක ප්රතිඵලයක් ලෙස සිඟිතිගේ මස්සිනා වන ජයසිංහ දොන් චාරුක දේවින්ද ජයසිංහ (34) නමැති අය අත්අඩංගුවට ගැනීමට හැකි වීම තරුණයාගේ මළ සිරුර සොයා ගැනීමට ඉවහල් වී තිබේ.
ඒ ගැන තවදුරටත් විමර්ශන පැවැත්වෙන බව පොලිසිය කියයි. ඒ අතර පෙරේදා විශ්රාමික නියෝජ්ය පොලිස්පතිවරයකු විමර්ශන කණ්ඩායම් වෙත දැනුම් දී තිබී ඇත්තේ සිඟිති පොලිසියට භාරවීමට සූදානමින් සිටින බවය. එහෙත් අවසානයේදී සිදුව තිබුණේ වංගුවක් ගසා සිඟිති අධිකරණයට භාරකරවීමය.
ඒ වන විට තරුණයාට සිදුවූ කිසිවක් අනාවරණය වී නොතිබුණු බැවින් අධිකරණයෙන් ඇප ඔවුන්ට ලබා දුන්නද ජාතික හැඳුනුම්පත් නැතිකම හා ඇප ලබාදීමට කිසිවකුත් ඉදිරිපත් නොවීම යන කරුණු මත රක්ෂිත බන්ධනාගාරගත කිරීමට අධිකරණය කටයුතු කළේය. මෙසේ ඔවුන් බන්ධනාගාරගත වූයේ සැලසුමකට අනුව බව පොලිසිය පාර්ශ්වයෙන් සඳහන් කළේය.
වඩු කාර්මිකයන් දෙදෙනාත් සමඟ තමාත් සිඟිතිත් රක්ෂිතයට ගිය බවත් තරුණයාව සිඟිතිගේ මහ ගෙදරට රැගෙන ගොස් වැසිකිළියේ සිර කරගෙන සිටියේ නැති බවත් චාරුක දේවින්ද ප්රශ්න කිරීම් හමුවේ පවසා ඇත.
තරුණයාව මෝටර් රථයේ පිටුපස මැද හිඳුවාගෙන පනිරෙන්ඩාව රක්ෂිතයට රැගෙන ගොස් ඇත්තේ දෑස් බැඳ බව ද චාරුක දේවින්දගෙන් කළ ප්රශ්න කිරීම් හමුවේ හෙළි වී තිබේ.
දියණිය භාර ගන්නේ නම් අතහැර දමන බව කීවත් ඔහු එය පිළි නොගැනීම හේතුවෙන් අවසානයේදී පහරදී දෑත් බැඳ තිබුණු ලණුවෙන්ම ගෙල සිර කර මරා දැමූ බව ද චාරුක දේවින්ද පොලිස් ප්රශ්න කිරීම් හමුවේ පවසා තිබේ.
සිඟිතිගේ දියණිය සමඟ ඔහු පෙමින් වෙළී ඇත්තේ ඉන් අනතුරුවය. මෙම තරුණයා විවාහකයකු වන අතර එම විවාහය ද කැඩී ගිය එකක් බව පැවසේ. ඒ අතරතුර ඔහු තවත් තරුණියක ඇසුරු කර ඇති බවත් ඇය ගැබිනියක් වූ පසු ගබ්සාවකට ලක්කර ඇති බවට තොරතුරු ද ඇති බවත් පොලිසිය කියයි.
සිඟිතිගේ දියණිය මාස දෙකක ගැබිනියක බවත් ඇය ගැබිනියක් බව පවුලේ අය දැනගෙන ඇත්තේ තරුණයාගේ අතුරුදන් වීමට සතියකට දෙකකට පෙර බවත් පොලිස් විමර්ශනවලින් අනාවරණය වී තිබේ. තරුණයාගේ අතුරුදන්වීමට මුල්වන කරුණු ගොඩනැඟී ඇත්තේ ඒත් සමඟිනි.
ඒ රතු පැහැති ඇල්ටෝ වර්ගයේ මෝටර් රථයේ ගමන් මඟ ගැන ආරක්ෂක කැමරා පරීක්ෂා කිරීමේ ප්රතිඵලයක් ලෙසිනි. පසුගිය සිකුරාදා පොලිසිය රක්ෂිතය තුළ පොලිස් නිල සුනඛයන්ද යොදා මෙහෙයුමක් දියත් කළ ද එය සාර්ථක නොවන්නේ හෙක්ටයාර 359ක් වූ එම රක්ෂිතය පීරමින් පරීක්ෂා කිරීම පහසු කටයුත්තක් නොවූ බැවිනි. නමුත් අවසානයේදී තරුණයාගේ සිරුර සොයා ගන්නේ ද පොලිසිය අපේක්ෂා කළ පරිදි පනිරෙන්ඩාව රක්ෂිතය තුළදීමය.
මීගමුව කුරණ ප්රදේශයේ යම් ස්ථානයක දින කිහිපයක් ගතකර ඇති ඔවුන් අනතුරුව දිඹුලාගල ගොස් එහි සැඟවී සිට ඇති බවට තොරතුරු ද මේ වන විට අනාවරණය වී ඇත. දිඹුලාගල සැඟවී ඇත්තේ නිදන් ජාවාරම්වලට සම්බන්ධ පුද්ගලයකු සමඟ සිඟිතිට තිබුණු සම්බන්ධයක් මත යැයි ද උසස් පොලිස් නිලධාරියෙක් සඳහන් කළේය.