ඔබ සුන්දරත්වය රැකගැනීමට කෙතරම් සත්කාර සිදුකළද නිසි අයුරින් සම මත ඇති මැරුණු සම ඉවත් නොකරන්නේ නම් සම මත කුරුලෑ, බ්ලැක්හෙඩ්ස් ඇති වී සම අවපැහැගැන්වීම වළක්වාලීමට අපහසු වනවා. ස්ක්රබ් කිරීම මඟින් සම මත ඇති මැරුණු සම ඉවත් වී සම මෘදු වීමක්ද සිදුවෙනවා. එසේම එමඟින් සමේ තැන්පත්ව ඇති මැරුණු සම, කුණු, දුහුවිලි, අනවශ්ය තෙල්ද ඉවත්ව සම පැහැපත් වනවා. නිවෙසේදීම සාදාගත හැකි ස්වාභාවික ස්ක්රබ් වර්ග කිහිපයක් පිළිබඳව දැන් අප බලමු.
සතියට දෙවරක් නිවෙසේදීම සාදාගත් ස්ක්රබ් එකක් භාවිත කරමින් මුහුණ ස්ක්රබ් කිරීමට ඔබට හැකියාව තිබෙනවා. නමුත් දිනපතා මුහුණ ස්ක්රබ් කිරීමද සුදුසු වන්නේ නැහැ. එවිට සම වියළීම, සමට හානි වීමට ඉඩ තිබෙනවා. සම ස්ක්රබ් කිරීමේදී දෑත් තද නොකර ඉතා මෘදු ලෙස විනාඩි 3ක් පමණ ස්ක්රබ් කිරීම කළ යුතුයි.
යෝගට් ස්ක්රබ්
අවශ්ය ද්රව්ය
රසකාරක නොයෙදූ යෝගට් ස්වල්පයක්
කෝපි කුඩු ස්වල්පයක්
අයිස් වතුර
කෝපි සහ යෝගට් මිශ්ර කරගන්න. මුහුණ තරමක් තෙමා මෙම මිශ්රණය ආලේප කරන්න. විනාඩි තුනක් පමණ මෘදුව මුහුණ ස්ක්රබ් කරන්න. නැවත විනාඩි 15ක් පමණ වියළෙන්නට හැර අයිස් ජලයෙන් මුහුණ සෝදා හරින්න.
ආමන්ඩ් කුඩු ස්ක්රබ්
අවශ්ය ද්රව්ය
ආමන්ඩ් කුඩු ස්වල්පයක්
පොල්කිරි හෝ මුදවපු කිරි ස්වල්පයක්
ආමන්ඩ් කුඩු, පොල් කිරි හෝ මුදවපු කිරි සමඟ මිශ්ර කර මුහුණ ස්ක්රබ් කරන්න. විනාඩි 15ක් පමණ තබා සෝදාහරින්න.
ඔලිව් තෙල් ස්ක්රබ්
අවශ්ය ද්රව්ය
ඔලිව් තෙල් ස්වල්පයක්
මී පැණි ස්වල්පයක්
සියුම් සීනි ස්වල්පයක්
ඔලිව් තෙල්, මී පැණි, සීනි එකට මිශ්ර කර මුහුණ විනාඩි තුනක් පමණ ස්ක්රබ් කරන්න. විනාඩි 10ක් පමණ තබා සෝදාහරින්න.
තක්කාලි ස්ක්රබ්
අවශ්ය ද්රව්ය
තක්කාලි යුෂ ස්වල්පයක්
සියුම් සීනි ස්වල්පයක්
තක්කාලි යුෂ සියුම් සීනි සමඟ මිශ්ර කර මුහුණ ස්ක්රබ් කරන්න. විනාඩි 10ක් පමණ වියළෙන්නට හැර සෝදා ඉවත් කරන්න.
සුදු හඳුන් ස්ක්රබ්
අවශ්ය ද්රව්ය
සුදු හඳුන් කුඩු ස්වල්පයක්
කස්තුරි කහ ස්වල්පයක්
සුදු හඳුන් සහ කස්තුරි කහ ජලය ස්වල්පයක් මිශ්ර කර මිශ්රණයක් ලෙස සාදාගන්න. මෙම මිශ්රණය මුහුණ මත ආලේප කර විනාඩි තුනක් පමණ මුහුණ ස්ක්රබ් කරන්න. විනාඩි 10ක් පමණ තබා සෝදා ඉවත් කරන්න.
කෝමාරිකා ස්ක්රබ්
අවශ්ය ද්රව්ය
කෝමාරිකා යුෂ
සියුම් සීනි ස්වල්පයක්
කෝමාරිකා යුෂ සහ සියුම් සීනි එකට මිශ්ර කර මුහුණ ස්ක්රබ් කරන්න. විනාඩි 10ක් පමණ තබා සෝදාහරින්න.
කුරුඳු ස්ක්රබ්
අවශ්ය ද්රව්ය
කුරුඳු කුඩු ස්වල්පයක්
මී පැණි ස්වල්පයක් හෝ ඔලිව් තෙල් ස්වල්පයක්
කුරුඳු කුඩු මී පැණි හෝ ඔලිව් තෙල් සමඟ මිශ්ර කර මුහුණේ ආලේප කර මෘදුව විනාඩි තුනක් පමණ ස්ක්රබ් කරන්න. විනාඩි 10ක් තබා සෝදා ඉවත් කරන්න.
බත්වලින් ස්ක්රබ්
අවශ්ය ද්රව්ය
පිසගත් බත් ස්වල්පයක්
මී පැණි ස්වල්පයක්
සියුම් සීනි ස්වල්පයක්
බත් හොඳින් පොඩි කරගන්න. එයට මී පැණි, සියුම් සීනි මිශ්ර කර මුහුණ ස්ක්රබ් කරන්න. මිශ්රණය මුහුණ මත විනාඩි 15ක් පමණ තබා සෝදාහරින්න.
ඕට්ස් ස්ක්රබ්
අවශ්ය ද්රව්ය
ඕට්ස් කුඩු
මී පැණි
ඕට්ස් කුඩු, මී පැණි හොඳින් මිශ්ර කර මුහුණ ස්ක්රබ් කරන්න. විනාඩි 10ක් පමණ තබා සෝදා ඉවත් කරන්න.
ලෙමන් ස්ක්රබ්
අවශ්ය ද්රව්ය
ලෙමන් යුෂ ස්වල්පයක්
මී පැණි ස්වල්පයක්
සියුම් සීනි හෝ කෝපි කුඩු ස්වල්පයක්
ඉහත ද්රව්ය සියල්ල හොඳින් මිශ්ර කර මුහුණ විනාඩි 3ක් පමණ ස්ක්රබ් කරන්න. විනාඩි 5ක් පමණ තබා සෝදාහරින්න.
* අන්තර්ජාලය ඇසුරිනි