බොරැල්ල ඩි එස් සේනානායක මාවතේ ඉදිකරමින් පවතින ගොඩනැගිල්ලක 14 වන මහලින් පහළට වැටීමෙන් පුද්ගලයකු මිය ගොස් ඇතැයි බොරැල්ල පොලිසිය කියයි.
අනතුරින් මියගොස් ඇත්තේ පදවිය බෝගස්වැව අරුණගම අංක 63 ලිපිනයේ පදිංචිව සිටි හේරත් මුදියන්සේලාගේ නලින් සම්පත් ප්රේමරත්න නමැති 24 හැවිරිදි පුද්ගලයෙකි.
මියගිය පුද්ගලයා තට්ටු 18 කින් යුත් ඉඳිකරමින් පවතින නිවසේ 14 වෙනි මහලේ පෙදෙරේරුවකු සඳහා අත් උදව් දෙමින් සිටියදී පය ලිස්සා පහළට වැටී මෙම අනතුර වී ඇතැයි පොලිස් විමර්ශනවලදී අනාවරණය වී ඇත.
රිය අනතුරින් සිසුවා මරුට
(ශාන්ත ප්රදීප් කුමාර කුලරත්න)
සිය මිතුරාගේ යතුරුපැදිය මවට සහ වැඩිමහල් සොහොයුරාට පෙන්වා යළි නිවසට යමින් සිට දහ අට හැවිරිදි පාසල් සිසුවකු වෑන් රථයක සහ කැබ් රථයක ගැටී ජීවිතක්ෂයට පත්ව ඇතැයි කොට්ටාව පොලිසිය පවසයි
මෙසේ මියගොස් ඇත්තේ කොට්ටාව හේනවත්ත පදිංචි මහලියනගේ සහන් දිමන්ත පෙරේරා නමැති (18) හැවිරිදි පාසල් සිසුවකු බව පොලිසිය කියයි.
යතුරුපැදි තරඟ සඳහා විශේෂයෙන් සකසන ලද මෙම යතුරුපැදියට සමාන යතුරුපැදියක් මිලදී ගැනීමට බලාපොරොත්තුවෙන් සිටි මෙම මෙම පාසල් සිසුවා සිය මවට සහ වැඩිමහල් සොහොයුරියට යතුරුපැදිය පෙන්වා යළි මිතුරාට භාරදීම සඳහා යමින් සිටියදී කොට්ටාව හයිලේවල් මාර්ගයේදී මෙම අනතුර සිදුව ඇති බව පැවසේ.