අළුත උපන් බබෙක් ඉන්න අම්මා කෙනෙක් නිතරම බබා ගැන වද වෙනවා.පොඩි දේටත් කලබල වෙනවා. දෙමව්පියන් ට බබා නිතරම අඩන එකත් ලොකු ප්‍රශ්නයක්. කොච්චර නලවගන්න උත්සහ කලත් බබා අඩන එක නවත්තන්නේ නෑ.ප්‍රසුත වේදනා සමග ඉන්න අම්මට බබා නලවගන්න බැරුව කේන්ති යන අවස්ථාත් නැතුවමත් නෙමේ.
අළුත උපන් බබෙක් සාමන්යෙන් එයාගේ දවසෙන් පැය දෙකක් තුනක් පමණ ගතකරන්නේ ම අඩ අඩා.මොකද එයාට කරන්න පුළුවන් දේවල් සීමිතයි.එයා එයාගේ අදහස් ප්‍රකාශ කරන්නේ අඩලා.එයාගේ කදුළු වලින් එයා දෙයක් ඔයාට කියන්න උත්සහා කරනවා වෙන්න පුළුවන්.සමහර වෙලාවට එයා අඬන්නෙ හේතුවක් නැතිවම වෙන්නත් පුළුවන්.අපිත් මොනවා හරි කාට හරි කියන කොට එයාට ඒක තේරෙන්නේ නැත්නම් අපිටත් තරහ යන වෙලාවල් එනවා වගේ එයාටත් එයා කියන දේ අහන්නේ නැතිවෙනකොට තරහ ගිහින් තව තවත් අඩනවා වෙන්නත් පුළුවන්.
බබා අඩන කොට ඇත්තටම අපිත් විඩාවට පත් වෙනවා.සමහර වෙලාවට ගෙදර කවුරුත් ම නැති වෙලාවක් වෙන්න පුළුවන්.ගෙදර කවුරු හරි ඉන්නවා නම් එයාට නලවගන්න දෙන්න.බබාව කොයි වෙලාවකවත් වේගයෙන් සොලවන්න එපා.
දැන් අපි බලමුද ඇයි බබාලා අඩන්නේ කියලා..
බබාට බඩගිනි වූ විට
මුල් කාලයේ බබාගේ වර්ධන වේගය වැඩියි.චූටි ආමාශයක් තියෙන්නේ.ඉතින් සාමන්යෙන් ඩොක්ටර්ස්ලා කියන්නේ පැය 2න් 2ට බබාට කිරි දෙන්න කියලා.එයා එයාගේ බඩගින්න කියන්නේ අඩලා.ඒ වෙලාවට කිරි ටිකක් දීලා බබා නලවගන්න බලන්න.සමහර වෙලාවට කිරි දෙන අතරේත් බබා අඩන්න පුළුවන්.ඒ ඔයා කිරි දෙන ඉරියව්ව වැ‍රැද්දක් නිසා බබාට තන පුඩු හරියට අල්ලා ගැනීමට නොහැකි වීම නිසා වෙන්නත් පුළුවන්.
බබා තෙහෙට්ටුවට පත් වූ විට.
බබාට මහන්සි වුනාම අපි වගේ නින්දට යන්නේ නෑ. එයා අඩනවා.බබාව හොඳට ඔතන්න. එහෙම නැත්නම් බබාව වඩාගන්න.මිදුලට හෝ වෙන තැනකට ගෙනියන්න.ඔයා බබාට ඇහෙන්න නැලවිලි ගීයක් කියන්න.
බබාට නිදිමත දැනුනම
බබා දවසේ වැඩි කාලයක් ගතකරන්නේ නින්දෙනේ.එයාට බොහොම පොඩි වෙලාවයි ඇහැරලා ඉන්න පුළුවන් බබා නිදිමත වුනාම ත් අඩනවා
ඒ වෙලාවට බබාව නිදි කරවන්න ඕනා.
බබා චූ දාලා කක්කා දාලනම්
බබා අඩන කොට නැපි එක බලන්න.බබා චූ කක්කා දාලා නම් ඒත් අඩනවා.එහෙනම් බබාව පිරිසිදු කරන්න.
බබාට සීතලක් හෝ රස්නයක් දැනුනාම
රස්නේ දවසක් නම් බබාව පොඩ්ඩක් සෝදන්න.සීතල දවසක් නම් බබාව උණුසුම් කරන්න හොඳින් ඔතන්න.
බබාට කම්මැලි වෙන්නත් පුළුවන්
බබා වටපිට තියෙන හැම දෙයක්ම ඉගෙන ගන්නවනේ.ඒ වෙලාවට බබාව වෙන තැනකට ගෙනියන්න.ඉන්න පරිසරය වෙනස් කරන්න.එක නලවගන්න උදව්වක් වෙන්න පුළුවන්.
බබාට ඔයාගේ ලග දැවටෙන්න් ඕනේ උනාම
බබාට ඔයත් එක්ක හුරතල් වෙන්න ඕනද දන්නේ නෑ ඔයාගේ උණුසුම ඕනද දන්නේ නෑ
වඩාගෙන තුරුළු කරගන්න.බබාට ගීත ගයන්න.බබාව අරගෙන පොඩ්ඩක් ඇවිදින්න.
බබා ට කිරි උගුරට ඇවිත් වෙන්න පුළුවන්
කිරි පොවන කොට බබාගේ ආමාශයට ඇතුළු වුන වාතය බබාට අපහසුවක් වෙන්න ඇති.
බබා ගේ ගුඩුස් යවන්න.කිරි බීපු ගමන් නෙවෙයි වෙන්නත් පුළුවන්
ඒත් කමක් නෑ ගුඩුස් යවන්න.
ඒ වගේම බබාට රිදෙන දෙයක් බබාගේ ඇඟ යට තියෙන්න පුළුවන්.
ඇඳ ඇතිරිලි වුනත් එයාට වේදනාවක් දෙන්න පුළුවන්.එයාගේ ඇඟිලි වල ඇඟේ ඔයාගේ කෙස් පැටලිලා තියෙන්නත් පුළුවන්.ඒවා ත් බලන්න
මේ තමයි සාමාන්‍ය අවස්ථාවන්
ඊට අමතරව බබා අඩන්නේ colic නිසා වෙන්නත් පුළුවන්.
ළදරුවන් ගෙ කුස තුල අධික වාතය ප්‍රමාණයක් සහිත වී දරුවා නොනවත්වා ඇඬීමේ තත්වය කොලික් තත්වය නම් වේ.මෙම තත්වයට ප්රධාන ලෙස හේතු වන්නේ බබාගෙ බඩ තුල වාතය සිර වී ඇති වන අපහසුතාවයයි. මෙහිදී සාමාන්‍ය ගුඩුස් නොයා හැඬීමකට වඩා වැඩි වූ තත්වයකි.බබාව පැය බාගය පමණ උඩට වඩාගෙන බලන්න සමහර විට අඩන එක නවත්තන්න පුළුවන්.කොලික් තත්ත්ව උග්‍ර වීමෙන් වෛද්‍ය ප්‍රතිකාර ලබා ගැනීමට සිදුවෙනවා.
අසාත්මිකතාවයක් වෙන්න පුළුවන්
සමහර වෙලාවට ඔයා ගන්න ආහාර බබාට අසාත්මිකතා ඇතිකරන්න පුළුවන්.
ඒ නිසා ත් බබා අසාමාන්‍ය ලෙස අඩන්න පුළුවන්.
බබා අසනීපයෙන් වෙන්නත් පුළුවන්.
- අනිවාර්යයෙන්ම චූටි බබෙක් ඉන්න ගෙදරක උෂ්ණත්වමානයක් තියාගන්න ඕන බබාට උණ තියෙනවද කියලා බලන්න
- අළුත උපන් බබෙකුට උණ තියෙනවානම් බබා කිරි බොන්නේ නැත්නම් බබාට වමනය හෝ බඩ එළිය යනවා නම් හුස්ම ගැනීම
- වෙනස් නම් බබාගේ ක්‍රියාශීලිත්වයේ වෙනසක් තියෙනවා නම් අනිවාර්යයෙන්ම ප්‍රතිකාර ගතයුතුයි.
- බබා පැය දෙකකට වඩා නොනවත්වා අඩනවා නම් වෙෙද්‍ය ප්‍රතිකාර ගතයුතු යි.
අන්තර්ජාලය ඇසුරිනි
