මේ වන විට මෙරට තුළ පැතිර යමින් පවතින කොවිඩ්-19 වෛරසය ගැබිණි මව්වරුන්ට දැඩි බලපෑමක් එල්ල කරනු ඇතැයි ප්රසව හා නාරි විශේෂඥ වෛද්ය මයුරමාන දෙවොලගේ මහතා පවසයි.
වෛද්යවරයා පෙන්වා දෙන්නේ රට තුළ පවතින වෛරසය මගින් ගැබිණි මව්වරුන්ගේ පෙනහළුවලට දැඩි බලපෑමක් එල්ල කරනු ඇති බවයි.
විශේෂයෙන් ගැබිණි මව්වරුන්ට කොවිඩ් වෛරසය ආසාදනයවීම ප්රවණතාවක් දක්නට ඇති බව ඔහු පෙන්වා දෙයි.
එමෙන්ම ගැබිණි මව්වරුන්ට වෛරසය ආසාදනය වූ බවට රෝග ලක්ෂණ පෙන්වීම ද වැඩි වී ඇති බව වෛද්යවරයා පැවසීය.
මේ වන විට දැඩිසත්කාර ඒකකවල ගැබිණි මව්වරුන් තිදෙනෙකු ප්රතිකාර ලබමින් සිටියි.
සෑම මොහොතක ගැබිණි මව්වරුන් කොවිඩ්-19 වෛරසයෙන් ආරක්ෂාවීමට උත්සාහ කළ යුතු අතර, යම් හෙයකින් වෛරසය ආසාදනයවූ බවට ලක්ෂණ පෙන්නුම් කරන්නේ නම් වහාම කොවිඩ් පරීක්ෂණයක් සිදුකිරීම ඉතා වැදගත් බවත් ප්රසව හා නාරි විශේෂඥ වෛද්ය මයුරමාන දෙවොලගේ මහතා වැඩිදුරටත් පැවසීය.