අන් අයගේ ආකර්ෂණය තමන් වෙතට ඇද ගන්නට, ලස්සනට ඉන්න සුදු සමක් ලබාගන්න අපි හැමෝම කැමතියි.සමහරුන්ට උපතින්ම සුදු සමක් ලැබෙනවා. එහෙත් සමහර තරුණියන්ට උපතින් හිමි වන්නේ කළු සමක්. තලෙළු සමක්. එම සම සුදු කර ගන්න තරුණියන් උත්සහ දරන්නේ ලස්සන සමක් තුලින් සුන්දර යුවතියක් වන්නට හැකි නිසයි. තලෙළු, කළු සමක් ඇති අය විවිධ ආලේපන, ක්රීම් වර්ග ශරීරයට ආලේප කරනවා.නමුත් එහි ප්රමිතිය ගැන ඇතමුන් නම් සැලකිලිමත් වෙන්නේ නැහැ.ඕනෑම නිෂ්පාදනයකට රැවටී සම සුදු කර ගන්නටයි ඔවුන් බලන්නේ. ඒ වෙනුවෙන් ඔවුන් විශාල මුදලක් වැය කර ආලේපනයක් මිලදී ගැනීමට ද දෙවරක් සිතන්නේ නැහැ.වැයවන මුදලට වඩා වටින්නේ තමන්ගේ සමේ සුන්දරත්වය කියයි ඔවුන් සිතන්නේ.සුදු සමක් ලබා ලබාගැනීම වෙනුවෙන් වෙහෙසෙන තරුණියන්ට කාන්තාවන්ට ඒ වෙනුවෙන් කරන්න පුළුවන් පිළියම් ටිකක් මේ ලිපිය කියවීමෙන් ලබාගන්න පුළුවන්.
සමේ ප්රධාන කොටස් හතරක් තිබෙනවා.
• සාමාන්ය සම• වියලි සම• තෙල් සහිත සම• මිශ්ර සම
බොහෝ දෙනෙකු තමන්ගේ සමේ ස්වභාවය අනුව ආලේපන ගැන්වීමට කටයුතු කරන්නේ නැහැ. ඔබේ සමේ ස්වභාවය මොන ආකාරයද කියා තේරුම්ගෙන සමට ආලේපන ගැල්විය යුතුයි. එසේ නැතිනම් ඔබේ සමේ ස්වභාවික ලස්සනත් නැතිව වී යා හැක.ඔබට ඇත්තේ සාමාන්ය සමක් නම් අධික තෙල් ගතියක් නොමැති අතර ලප කැලැල් නැති සමක් වේ.ඔබට ඇත්තේ වියළි සමක් නම් තෙතමනය රහිත කසන සුළු ඉරිතැලුණු සමක් වේ.ඔබට ඇත්තේ තෙල් සහිත සමක්ක් නම් කුරුලෑ සහිත සමක් වේ.
මිශ්ර සම තව කොටස් තුනකටත් වෙන්වෙනවා.
• සංවේදී සම• වියපත් සම• අඳුරු සම
සම සුදු කර ගැනීමට කළ හැකි සත්කාර කිහිපයක් තිබෙනවා.
සම පිරිසුදු කර ගැනීම.
මුලින්ම ඔබ කළ යුත්තේ ඔබේ සමයේ ඇති කුණු දුහුවිලි, අපද්රව්ය ඉවත් කරගෙන සම පිරිසුදු කර ගැනීමයි.සම පිරිසිදු කර ගැනීමේදී සබන් භාවිතය සිදු නොකළ යුතුයි. ඒ සඳහා කරන්න පුළුවන් ආදේශකයන් කිහිපයක් තිබෙනවා.
ඔබේ සමේ ස්වභාවය අනුව සම පිරිසිිදු කරගත යුතු ආකාර
ඔබට ඇත්තේ සාමාන්ය සමක් නම් ඔබ කළ යුත්තේ නැවුම් පුළුල් කැබැල්ලක ආධාරයෙන් මුහුණේ ආලේප කර සෝදා ඉවත් කර ගැනීමයි.ඔබට ඇත්තේ වියළි සමක් නම් ඔබ කළ යුත්තේ බිත්තර කහමද, මීපැණි හා කුඩු කරගත් ආමන්ඩ් ඇට හා නැවුම් එළකිරි මිශ්රකර මුහුණේ ආලේප කර සෝදා ඉවත් කර ගැනීමයි.ඔබට ඇත්තේ තෙල් සහිත සමක් නම් ඔබ කළ යුත්තේ කඩල පිටි කහ හා නැවුම් එළකිරි මිශ්රකර මුහුණේ ආලේප කර සෝදා ඉවත් කර ගැනීමයි.ඔබට ඇත්තේ මිශ්ර සමක් නම් ඔබ කළ යුත්තේ පිඤ්ඤා හා මී කිරි මිශ්ර කර මුහුණේ ආලේප කර සෝදා ඉවත් කර ගැනීමයි.
සමට ස්කබ් එකක් සිදු කිරීම.
1.සාමාන්ය සමට නම්
සුදුහදුන් තේ හැඳි එකක් වෙනිවැල් ගැට තේ හැඳි එකක් මී පැණි තේ හැදි එකක් රෝස වතුර තේ හැඳි දෙකක් මිශ්ර කර ආලේප කර ටික වේලාවක් තබා ඇඟිලි තුඩුවලින් රවුමට හොදම පිරිමදිමින් පසුව සෝදා ඉවත් කර ගන්න.
2.වියලි සමට නම්
කෙසෙල් ගෙඩියකින් භාගයක් ගෙන ඕට්ස් තේ හැඳි දෙකක් මී පැණි තේ හැඳි එකක් මිශ්රකර ආලේප කර ටික වේලාවක් තබා ඇඟිලි තුඩුවලින් පිරිමදිමින් සෝදා ඉවත් කර ගන්න.
3.තෙල් සහිත සමට හා මිශ්ර සමට නම්
හාල් පිටි තේ හැඳි එකක් ෝස වතුර තේ හැඳි එකක් දෙහි බින්දු කිහිපයක් මිශ්රකර ආලේප කර ටික වේලාවක් තබා ඇඟිලි තුඩුවලින් පිරිමදිමින් සෝදා ඉවත්කර ගන්න.
ෆේස් පැක් ආලේප කිරීම.
ඔබට සිදු කළ හැකි ෆේස් පැක් කිහිපයක් තිබේ.අර්තාපල් ගෙඩියක් දෙහි ඉස්ම ටිකක් මී කිරි හෝ යෝගට් මී පැණි සමඟ එකට මිශ්ර කර විනාඩි තිහක් තබන්න.අර්තාපල් ගෙඩියකින් භාගයක් තම්බා ඉතිරි භාගය බ්ල්න්ඩර් කර රෝස වතුර එක්කර කස්තුරි කහ මේස හැඳි එකක් සුදු හඳුන් මේස හැඳි එකක් එක්කර මිශ්ර කරගෙන ආලේප කර විනාඩි තිහක් තබන්න.වැස්ලින් මේස හැඳි එකක් ශීත ජලය මේස හැදි දෙකක් කිරි මේස හැදි එකක් දෙහි යුෂ මේස හැඳි එකක් මිශ්රකර ආලේප කර විනාඩි තිහක් තබන්න.කෝමාරිකා මද දෙකක් සුදු හඳුන් තේ හැඳි එකක් දෙහියුෂ තේ හැඳි දෙකක් මිශ්ර කර විනාඩි තිහක් තබන්න.
මීට අමතරව ඔබේ සම සුදු කර ගැනීමට ඔබට කළ හැකි පෝෂණීය සත්කාරත් තියෙනවා.
• දිනපතා පිරිසුදු ජලය වැඩිපුර පානය කරන්න.• ව්යායාම් කරන්න.• දිනපතා ස්නානය කරන්න.• හිරු එලියෙන් ඔබේ සම ආරක්ෂා කර ගන්න.• සෞඛ්ය සම්පන්න නින්දක් ලබන්න.• විටමින් b අඩංගු ආහාර නිතර ගන්න.• පිරිසිදු එළවළු හා පලතුරු දිනපතා ආහාරයට ගන්න.
ඔබේ සමේ ආසාත්මිකතා ඇත්නම් මෙම ප්රතිකර්ම සිදු කිරීමේදී ඒ පිළිබඳව සැලකිලිමත් වන්න. වෛද්ය උපදෙස් අනුව මේවා භාවිත කරන්න.මෙවැනි ප්රතිකර්ම සිදු කිරීමෙන්, පෝෂණීය සත්කාරයන් සිදුකිරීමෙන් ඔබට ඔබේ සම පැහැපත් කර ගත හැකිය.