හැබැයි ටික වෙලාවකින් පියා බලද්දී මේ දරුවා පාඩම් වැඩ පසෙක දාලා ආයෙමත් හොරෙන් ටික් ටොක් බලනවා. ඒ වෙලාවේ ඇති වුණු අධික කේන්තිය පාලනය කරගන්න බැරි වුණු පියා, ලිපේ තිබුණු රත් වුණු යකඩ කූරක් අරගෙන තමන්ගේම වැඩිමහල් පුතාගේ පිටුපස ප්රදේශය පුළුස්සා තිබෙනවා.
පසුවදා පාසල් ගිය දරුවා අපහසුවෙන් ඉන්නවා දැකපු විදුහල්පතිතුමා වහාම ක්රියාත්මකවෙලා දරුවාව රෝහල්ගත කරන්න පියවරගෙන තිබුණා. දැනට දරුවා මාතර මහ රෝහලේ ප්රතිකාර ලබන අතර, සිද්ධිය සම්බන්ධයෙන් සැකකාර පියා පොලිස් අත්අඩංගුවට ගෙන තිබෙනවා.
මේ සිද්ධිය ගැන හොයන්න දෙණියාය පොලිස් ස්ථානාධිපති ප්රධාන පොලිස් පරීක්ෂක චන්දන අමරත්න, ඒ නිවසට ගිය වෙලාවේ තමයි කවුරුත් නොහිතපු දෙයක් දැක්කේ. ඒ ගෙදර දරුවන්ට කන්න වේලක්වත් තිබිලා නැහැ. බිරිඳත් අසනීපයෙන්. පියා කුලී වැඩ කරලා හම්බ කරන සුළු මුදලෙන් තමයි මේ හැමෝම ජීවත් වෙලා තියෙන්නේ.
නිතරම නීතිය අකුරටම ඉටු කරන පොලිස් නිලධාරීන් පවා මේ අසරණකම දැකලා සංවේදී වුණා. ස්ථානාධිපතිතුමා ඇතුළු පිරිස තමන් සතු මුදල් එකතු කරලා ඒ වෙලාවෙම ඒ අසරණ පවුලට අවශ්ය ආහාර ද්රව්ය අරන් දෙන්න කටයුතු කරලා තියෙන්නේ මනුෂ්යත්වය රුපියල් සතවලට වඩා වටිනා බව පෙන්වමින්.
