ලාංකීය රංගන ක්ෂේත්රයේ දශක ගණනාවක් පුරා තමන්ගේ අනන්යතාවය රැකගත්, දක්ෂ වගේම නිහතමානී රංගන ශිල්පියෙකු ලෙස හැමෝම ආදරය කරන ධනංජය සිරිවර්ධන ගැන මේ වන විට මුළු සමාජ මාධ්යම කතා වෙන්න පටන් අරන්.
ඒ, ඔහු සිය නිල ෆේස්බුක් ගිණුමේ තැබූ ඉතාමත් සංවේදී සහ සටහනක් නිසාවෙනුයි.
තමන් මෙතෙක් ආදරය කළ රංගන ක්ෂේත්රයට සමුදෙන්නට ඔහු ගත් මේ තීරණය රසිකයින්ව දැඩි කම්පනයකට පත් කර තිබෙනවා.
ධනංජය පවසන්නේ පසුගිය වසරේ තමන් නිරූපණය කළ ‘Negative’ චරිතයට ඉහළම ප්රේක්ෂක ප්රතිචාර ලැබුණු බවයි. විශේෂයෙන්ම පිරිමියෙකු සහ ගැහැණියක (Trans woman) ලෙස අන්ත දෙකක අභියෝගාත්මක චරිත දෙකක් එකම කාලයකදී නිරූපණය කිරීම රංගන ශිල්පියෙකුට කෙතරම් අවදානමක්ද යන්න ඔහු මෙහිදී පෙන්වා දෙනවා.
ඔහු මෙතරම් කැපවීමක් කළත්, එම රංගනයන් කිසිදු සම්මාන උළෙලකදී නිර්දේශයක් පවා නොලැබීම සහ ජනගත නළුවන් අතරට තේරී පත් නොවීම ධනංජයගේ දැඩි කලකිරීමට හේතු වී තිබෙනවා.
“මා රංගනයෙන් සමුගත යුතු කාලය පැමිණ ඇති බව දැනේ..” යනුවෙන් ඔහු පවසා ඇත්තේ එම කනගාටුව දරාගත නොහැකි වූ තැනයි. සම්මානවලට වඩා තමන්ගේ දක්ෂතාවය අගය නොකිරීම ගැන ඔහු තුළ ඇත්තේ ලොකු වේදනාවක් බව එම සටහනෙන් පැහැදිලි වෙනවා.
