‘ගෝස්ට්බස්ටර්ස්’ (Ghostbusters) චිත්රපටය සහ ‘චාල්ස් ඉන් චාජ්’ (Charles in Charge) වැනි ජනප්රිය ටෙලි නාට්ය මාලාවන් හරහා ප්රේක්ෂක ආකර්ෂණය දිනාගත් ඇමරිකානු නිළි ජෙනිෆර් රන්යොන් (Jennifer Runyon) ජීවිතක්ෂයට පත්ව තිබෙනවා.
ජීවිතක්ෂයට පත්වන විට ඇගේ වයස අවුරුදු 65ක්.
ඇයගේ පවුලේ සාමාජිකයන් විසින් සමාජ මාධ්ය ඔස්සේ තහවුරු කර ඇති පරිදි, පසුගිය සිකුරාදා (මාර්තු 6) ඇය මෙලොවින් සමුගෙන ඇත. දීර්ඝ කාලයක් රෝගාතුරව සිටි ඇය, මියයන අවස්ථාවේ පවුලේ හිතවතුන් පිරිවරා සිටි බව එම නිවේදනයේ සඳහන් වේ.
ඇයගේ සමීප මිතුරියක වන නිළි එරින් මර්ෆි (Erin Murphy) පවසන්නේ ජෙනිෆර් කෙටි කලක් පිළිකා රෝගයෙන් පීඩා විඳි බවයි. “ඇය ඉතා සුවිශේෂී කාන්තාවක්. මට ඇයව ගොඩක් මතක් වේවි,” යනුවෙන් මර්ෆි සිය ෆේස්බුක් ගිණුමේ සටහනක් තබමින් ශෝකය පළ කර තිබුණි.
