රේල් පීලි දෙකක් අතර ඇයගේ ජීවිතයේ අවසන් ඉරණම තීරණය වෙන්න කළින් ඇයට මේ ඒ ගැන කතාකරන්න කිසිවෙක් සිටියේ නැද්ද..?
මේ කියන්න යන්නේ බොහෝ දෙනා කම්පනයට පත් කළ තවත් එක් පුවතක්.
සිය මව හා පියා නිතර රණ්ඩුවීම ඉවසා දරාගත නොහැකි වූ 22 හැවිරිදි දියණිය නිවසේ ලියුමක් ලියාතබා විත් දෙහිවල දුම්රිය ස්ථානය අසලදී ඊයේ දුම්රියකට පැන සිය දිවි නසාගෙන ඇතැයි දෙහිවල පොලිසිය පවසනවා.
මෙලෙස දිවි නසාගෙන ඇත්තේ කැලණිය, දිප්පිටිගොඩ පදිංචිව සිටි තරුණියක්.
නිවසේ තිබූ යතුරුපැදියෙන් කැලණියේ සිට විත් ඇය මෙලෙස දිවි හානිකර ගෙන තිබෙනවා.
දිවි නසාගත් තරුණියගේ හදිසි මරණ පරීක්ෂණය කළුබෝවිල දකුණු කොළඹ ශික්ෂණ රෝහලේ හදිසි මරණ පරීක්ෂක සාමවිනිසුරු බන්දුල ජයසිංහ හමුවේ ඊයේ පැවැත්වුණා.
එම තරුණීය විසින් ලියූ ලිපිය පොලිසිය හදිසි මරණ පරීක්ෂකවරයා වෙත ඉදිරිපත් කෙරුණු අතර, දිවිනසා ගත් තරුණියගේ පශ්චාත් මරණ පරීක්ෂණය කලුබෝවිල දකුණු කොළඹ ශික්ෂණ රෝහලේ අධිකරණ වෛද්ය නිලධාරි එෆ්.එන්.ආර්.ඕ. සුප්රියානි මහත්මිය විසින් සිදු කළා.
දෙහිවල පොලිසියේ ස්ථානාධිපති ප්රධාන පොලිස් පරීක්ෂක අනුරාධ හේරත් මහතාගේ උපදෙස් මත පොලිස් සැරයන් කුමාර (78142) වැඩිදුර පරීක්ෂණ සිදු කෙරෙන බවයි දැනගන්න ලැබෙන්නේ.
