වැලිගම ප්‍රදේශයේ ජීවත් වන අවුරුදු 10ක් සහ අවුරුදු 8ක් වයසැති මේ පුංචි පිරිමි දරුවන් දෙදෙනා හැමදාම සෙල්ලම් කරන්නේ,ඉස්කෝලේ යන්නෙ එකටමයි.
මොකද මේ දරුවන් දෙදෙනාගේ මවුවරුන් දෙදෙනාත් එක කුස උපන් සහෝදරියන් වීමත් මේ බැඳීමට හේතුවක් වෙන්න ඇති.
දවසක් මේ දරුවන් දෙදෙනා ගෙවල් ලඟ කඩේට යන්නේ ඔවුන්ගේ නිවසට යමක් ගෙන එන්නැයි මව පැවසීමෙන් පසුව.
වෙනදටත් කඩේට යන මේ දෙදෙනාට කඩේ මුදලාලී වෙනදා මෙන් නොව දැන් ටොපී,චොකලට් දෙන්නේ හරි ආදරයෙන්.
දෙදෙනාටම ලැබෙන මේ පුංචි පුංචි තෑගි නිසා දෙදෙනාම කඩේට යන්නට හරි කැමැත්තක් දක්වන්වා.
දවසක් ටොපී චොකලට් දුන් මේ නරුම මුදලාලි ඔවුන් දෙදෙනාව අපහරණයට ලක් කර තිබෙනවා.
ටොපී චොකලට් දුන් මුදලාලී මාමාගේ හැසිරීම ගැන ඔවුන්ගේ මවුවරුන් දැනුවත් කරද්දී මව්පියන්ගේ දෑස් උඩ යන්නේ ඔවුන්ට වී ඇති කරදරයේ තරම තේරුම් ගත් නිසාවෙන්.
හැකි ඉක්මනින් මේ මුදලාලි ගැන වැලිගම පොලීසිය දැනුවත් කරන්න ඔවුන්ගේ දෙමාපියන් යුහුසුළු වෙද්දී ඒ සමගම ක්‍රියාත්මක වූ වැලිගම පොලීසිය මේ අපරාධකාර මුදලාලිව අත්අඩංගුවට ගෙන තිබෙනවා.
දකුණට විදුලිය දෙන්න පෞද්ගලික තේ වත්තක් හරහට හිටී
පෞද්ගලික තේ වත්තක් උඩින් විදුලි රැහැන් අදින්නට සිදුවීමේ අර්බුදයක් නිසා සමස්ත දකුණු පළාතටම ලංකා විදුලිබල මණ්ඩලයේ ප්‍රධාන සම්ප්‍රේෂණය යාන්ත්‍රණයෙන් විදුලිය දීමට නොහැකි වීමේ ගැටලුව විසඳීම සඳහා කමිටුවක් පත් කිරීමට රජය තීරණය කර තිබේ.
ජනාධිපති කාර්ය මණ්ඩල ප්‍රධානී සාගල රත්නායක මහතාගේ ප්‍රධානත්වයෙන් පැවැති සාකච්ඡාවකදී මෙම තීන්දුවට එළැඹ ඇත .
දකුණු පළාත ද ලංකා විදුලිබල මණ්ඩලයේ ප්‍රධාන සම්ප්‍රේෂණ යාන්ත්‍රණයට සම්බන්ධ කිරීම සඳහා පොල්පිටිය සිට හම්බන්තොට දක්වා කිලෝවොට් 220 ක ධාරිතාවයක් ගෙන යා හැකි විදුලි රැහැන් ඇදීමට යෝජිත වී තිබේ.
ආසියා සංවර්ධන බැංකුවේ ණය ආධාර මත මෙම ව්‍යාපෘතිය ආරම්භ වුව ද එය ඉටු කිරීමට නොහැකිව ඇත්තේ පෞද්ගලික තේ වත්තක් මැදින් මීටර් 600 ක දුරක් සම්ප්‍රේෂණ රැහැන් ඇදීමට සිදු වීමත් ඊට වතු හිමිකරුගේ අනුමැතිය අවශ්‍ය වීමත් නිසා බව හෙලි වී තිබේ.
එම වත්තේ හිමිකරු විසින් අදාල ඉඩම උඩින් විදුලි රැහැන් ඇදීමට විශාල වන්දි මුදලක් ඉල්ලා සිටීමත් එම වන්දියේ වටිනාකම වරින් වර වෙනස් කිරීමත් නිසා මෙම ගැටලුව පැන නැගී ඇත.
එම පෞද්ගලික ඉඩම මතින් විදුලි රැහැන් ඇදීම වෙනුවෙන් රජයේ තක්සේරුව අනුව රුපියල් මිලියන 1.6ක් ගෙවීමට නිර්දේශ වී ඇතත් තේ වතු හිමිකරුවා මේ මුදල වෙනස් කරමින් මේ වන විට රුපියල් මිලියන 9.6 ක් ඉල්ලා සිටීම මත මෙම කටයුත්ත ප්‍රමාද වී තිබේ.
එම නිසා ස්වාධීන තක්සේරුකරුවකු වෙත මෙම තක්සේරුව ලබාදීමටත් එම කටයුතු සම්බන්ධීකරණය කොට ගැටළුව විසදීමටත් කමිටුවක් පත් කරන ලෙස ජනපති රනිල් වික්‍රමසිංහ මහතා දුන් උපදෙස් අනුව අදාල කමිටුව පත් කිරීමට ජනාධිපති කාර්ය මණ්ඩල ප්‍රධානී සාගල රත්නායක මහතා මහජන උපයෝගිතා කොමිසමට නියම කර ඇත.
