රී ලංකා ප්රිමියර් ලීග් තරගාවලියේ දී ආරම්භක උත්සවයේදී ජාතික ගීය විකෘති කළේ යැයි චෝදනා එල්ල වී සිටින උමාරා සිංහවංශ සම්බන්ධයෙන් ඇගේ සහෝදරිය උමාරියා සිංහවංශ අදහස් පල කරනවා.
තම සමාජ ජාල ගිණුමේ සටහනක් තබමින් ඇය මෙම අදහස් පල කර තිබෙනවා.
ඇය පෙන්වා දෙන්නේ අද රටේ ඊට වඩා විශාල ප්රශ්න ඇති බවත් මේ මොහොතේ තම සහෝදරියට සමාජ ජාලවල එල්ලවන චෝදනා සුදුසු නැති බවත්ය.
තම සහෝදරිය රට නියෝජනය කරමින් සම්මාන රාශියක් ගැන දිනා ඇති බවත් ඒ ගැන කතා නොකරන්නේ මන්දැයි ප්රශ්න කරන ඇය සංගීත ක්ෂේත්රයට කළ දායකත්වයත් දේශප්රේමීත්වය සහිත හොඳ හදවතක් ඇති බවද කියා සිටිනවා.
LPL ඇරඹුමේදී ජාතික ගීය ගායනා කිරීමේ සිද්ධිය ගැන උමාරා කතා කරයි
2023 LPL තරඟාවලි සමාරම්භක උත්සව අවස්ථාවේ ජනප්රිය ගායිකා උමාරා සිංහවංශ ජාතික ගීයේ වචන වැරදි ලෙස උච්චාරණය කිරීම සමාජ මාධ්යවල දැඩි ලෙස විවේචනය වෙමින් පවතිනවා.
ජාතික ගීයේ එන “නමෝ නමෝ මාතා” යන කොටස උමාරා “නමෝ නමෝ මහතා” යනුවෙන් කිහිප වරක් උච්චාරණය කරනු දැකිය හැකියි.
මේ සමග #Mahatha හෑෂ් ටැගය සමාජ මාධ්යවල රැල්ලක් සේ පැතිර යමින් තිබෙනවා.
මේ අතර ජාතික ගීය ගායනා කිරීමට පුහුණුවීම් සඳහා උමාරා සිංහවංශ සහභාගී වූ අවස්ථාවේ වීඩියෝවක්ද මේ වන විට සමාජ මාධ්ය ඔස්සේ හුවමාරු වුණා.
සිද්ධිය සම්බන්ධයෙන් උමාරා සිංහවංශ සිය මුහුණුපොතේ සටහනක් තබා තිබුණේ මෙලෙසයි.