අකුරැස්ස – කඹුරුපිටිය ප්රධාන මාර්ගයේ ධාවනය වෙමින් තිබූ ත්රිරෝද රථයක් මතට මාර්ගය අයිනේ තිබූ විශාල මිල්ල ගසක අත්තක් කඩා වැටීමෙන් කඹුරුපිටිය රෝහලේ සේවය කළ හෙද නිලධාරියෙක් ඊයේ (15) පස්වරුවේ ජීවිතක්ෂයට පත්ව ඇතැයි දකුණු පළාත් භාර ජ්යෙෂ්ඨ නියෝජ්ය පොලිස්පති කාර්යාලය පවසනවා.
මෙසේ මියගොස් ඇත්තේ අකුරැස්ස, විල්පිට ප්රදේශයේ පදිංචිව සිටි කොඩිප්පිලිගේ ධර්මසේන නමැති 54 හැවිරිදි හෙද නිලධාරියෙක්.
මරණකරු ඊයේ (15) සවස සිය ත්රිරෝද රථයකින් අකුරැස්ස සිට කඹුරුපිටිය දෙසට ගමන් කරමින් සිටියදී මෙම අනතුරට මුහුණ දී තිබුණා.
මාර්ගය අයිනේ තිබූ විශාල මිල්ල අත්තක් සෘජුවම ත්රිරෝද රථය මතට කඩා වැටීමෙන් ඔහු බරපතල තුවාල ලබා ඇති අතර, වහාම කඹුරුපිටිය රෝහලට ඇතුළත් කළද ප්රතිකාර ලබමින් සිටියදී රාත්රී කාලයේදී ජීවිතක්ෂයට පත්ව ඇතැයි වාර්තා වෙනවා.
මියගිය හෙද නිලධාරියාගේ මරණ පරීක්ෂණ කටයුතු අද (16) සිදු කිරීමට නියමිතයි.
සිද්ධිය සම්බන්ධයෙන් අකුරැස්ස පොලිසිය වැඩිදුර විමර්ශන පවත්වාගෙන යනු ලබනවා.
