ඉරාන නාවික හමුදාවට අයත් නවීනතම යුද නෞකාවක් වන IRIS Dena නෞකාව, ඉන්දියන් සාගරයේදී ප්රහාරයකට ලක්ව එහි සිටි කාර්ය මණ්ඩල සාමාජිකයන් 104දෙනෙකු මියයෑමේ සිදුවීමට “නිසි ප්රතිචාරයක් ලබා දෙන” බව ඉරාන හමුදාපති අමීර් හතාමි (Amir Hatami) අනතුරු අඟවා තිබේ.
මෙහෙයුමක් නිමා කර යළි ඉරානය බලා එමින් සිටියදී මෙම ප්රහාරය එල්ල කර ඇති බවත් සෘජු සටනක නිරත නොවී සිටියදීත් තම නාවිකයන්ට එල්ල කළ මෙම ප්රහාරය දැඩිව හෙළා දකින බවත් ඔහු වැඩිදුරටත් සඳහන් කර ඇත.
එමෙන්ම IRIS Dena නෞකාවේ නාමය සහ එහි කාර්ය මණ්ඩලයේ ජීවිත පරිත්යාගය, ඉරාන නාවික ඉතිහාසය තුළ ධෛර්යයේ සහ කැපවීමේ සංකේතයක් ලෙස පවතිනු ඇති බවද එහිදී ඔහු පැවසීය.
ඉරාන හමුදාපති අමීර් හතාමි අවධාරණය කළේ ඉරානයේ මුහුදු සීමාවන් ආරක්ෂා කිරීමට සහ නාවික බලය තවදුරටත් ශක්තිමත් කිරීමට දැඩි අධිෂ්ඨානයෙන් කටයුතු කරන බවය.
