ඒ, පෙකණි වැල කපන අවස්ථාවේදී සිදු වූ බරපතල අත්වැරදීමක් හේතුවෙන්.
නැගෙනහිර චීනයේ ජියැංසු ප්රාන්තයේ රෝහලකදී පසුගිය දෙසැම්බර් 25 වනදා මෙම සිදුවීම සිදුව තිබෙනවා. සීසර් සැත්කමකින් පසු බිළිඳාගේ පෙකණි වැල කපන අවස්ථාවේදී, එහි සිටි වින්නඹු මාතාවගේ අතින් අතපසුවීමකින් බිළිඳාගේ ඇඟිල්ලක් කැපී ගොස් ඇති බවයි වාර්තා වෙන්නේ.
බිළිඳාගේ පියා පවසන්නේ දරුවා මෙලොවට බිහි වී පැය දෙකක් යනතුරුත් රෝහල මේ බව තමන්ට වසන් කළ බවයි. පසුව රෝහල් බලධාරීන් පවසා ඇත්තේ දරුවාගේ වම් අතේ ඇඟිල්ලක් කැපී ඇති බවයි.
“පෙකණි වැල කපන කොටම බබා ඇඟිල්ල හෙල්ලුවා.. ඒකයි මෙහෙම වුණේ”
රෝහල් බලධාරීන් පවසන්නේ පෙකණි වැල කපන මොහොතේ බිළිඳා හදිසියේ ඇඟිලි චලනය කිරීම නිසා මෙම අවාසනාවන්ත සිදුවීම සිදු වූ බවයි.
මෙම සිදුවීමෙන් පසු වහාම ක්රියාත්මක වූ රෝහල් කාර්ය මණ්ඩලය සැතපුම් 300ක් පමණ ඈතින් පිහිටි වෙනත් විශේෂඥ රෝහලක් වෙත බිළිඳා රැගෙන ගොස් තිබෙනවා. එහිදී සිදු කළ දීර්ඝ සැත්කමකින් පසු කැපී ගිය ඇඟිල්ල යළි බද්ධ කිරීමට වෛද්යවරුන් සමත්ව තිබීම සතුටට කරුණක්.
