වට්ස්ඇප් පණිවිඩයකින් දුර දිග ගිය කතාව මෙහෙම තැනකින් කෙළවර වේවි කියලා ඇය හීනෙකින්වත් හිතන්නේ නැතුව ඇති..
ඒත් මේ සෙල්ලම් ඔක්කොම අවසානයේදී පොලිස් දැලට හසු වෙලා.. ඉහළ වැටුපක් ලබාදී විධායක තනතුරකට පත්කරන බවට පොරොන්දු වී සම්මුඛ පරීක්ෂණයක් සඳහා කැඳවාගත් තරුණ විවාහක කාන්තාවකට බරපතළ ලිංගික අපයෝජනයක් කළ පුවතක් කොල්ලුපිටිය ප්රදේශයෙන් වාර්තා වෙනවා..
එම තරුණ විවාහක කාන්තාව ඇගේ සැමියා සමග කොල්ලුපිටිය ප්රදේශයේ සුඛෝපභෝගි මහල් නිවාස සංකීර්ණයක පිහිටි නිවසකට ගොස් ඇත්තේ පෙර ඇයට කළ දැනුම්දීමකට අනුව බවයි පොලිසිය අධිකරණයට කියා ඇත්තේ..
පසුව ඇගේ සැමියාව පහත මාලයේ රඳවා තරුණ විවාහක කාන්තාව උඩුමහලේ පිහිටි කාමරයකට ගෙන ගොස් එකී අපරාධය සිදුකළ බවටද ඇය පොලිසිය හමුවේ පවසා තිබුණා..
කෙසේ වෙතත්, මේ සම්බන්ධයෙන් සිදුකරන විමර්ශන සඳහා අවශ්ය දුරකථන විශ්ලේෂණ වාර්තා විමර්ශන නිලධාරීන්ට ලබාදෙන ලෙසට කොටුව මහේස්ත්රාත්වරයා දුරකථන සමාගම් කිහිපයකට නියෝග කර තිබුණා..