ඒ.ටී.එම්. යන්ත්‍රයකින් මුදල් ගැනීමට ගිය ව්‍යාපාරිකයකුට එම යන්ත්‍රය පිහිටි කුටිය තුළ පැය තුනකට අධික කාලයක් නින්ද ගොස් ඇති පුවතක් වාර්තා වෙනවා.
Advertisement
මේ හේතුවෙන් ඔහු සතුව තිබුණු ජංගම දුරකතනය සහ ඔහු පැමිණි යතුරුපැදිය සොරා ගෙන ඇති අතර මේ සම්බන්ධයෙන් පොලිසිය විමර්ශනයක් ආරම්භ කර ඇත.
Advertisement
පාදුක්ක මළගල ප්‍රදේශයේ පදිංචි 45 හැවිරිදි ව්‍යාපාරිකයකු සාදයකට සහභාගි වී නිවෙසට යන අතර වාරයේදී මෙම සිද්ධියට මුහුණදී තිබේ.
Advertisement
අලුයම 2.30ට පමණ ඔහු නුගේගොඩ විජේරාම හන්දිය ආසන්නයේ පිහිටි පෞද්ගලික බැංකුවක ඒ.ටී.එම්. කුටිය වෙත ගොස් ඇත්තේ මුදල් ගැනීම සඳහාය.
Advertisement
යතුරුපැදිය ඒ.ටී.එම්. යන්ත්‍රය පිහිටි කුටිය අසල නවතා කුටිය තුළට ගොස් ඒ.ටී.එම්. කාඩ්පත යන්ත්‍රය වෙත යොමු කර නිසි අයුරින් රහස්‍ය අංකය ඇතුළත් කිරීමට නොහැකි වීම හේතුවෙන් කාඩ්පත යන්ත්‍රය තුළ සිරවී ඇති බව විමර්ශනයේදී පෙනී ගොස් ඇත.
Advertisement
පදම ඉක්මවා සිටි ව්‍යාපාරිකයා කාඩ්පත පිටතට එනතුරු බලා සිට ඇති බවත් එහිදී නොදැනුවත්වම ඔහුට නින්ද ගොස් ඇති බවත් පොලිසිය කියයි.
Advertisement
එසේ ඔහුට අලුයම 5.30ට පමණ වනතෙක් නින්ද ගොස් ඇති බව පොලිස් විමර්ශනවලදී අනාවරණය වී ඇත.
Advertisement
පදම වැඩි වී තමන් රාත්‍රිය ගත කර ඇත්තේ ඒ.ටී.එම්. කුටිය තුළ බව ව්‍යාපාරිකයාට අවබෝධ වී ඇත්තේ නින්දෙන් ඇහැරුණු පසුවය.
Advertisement
ඔහු සතුව තිබුණු ජංගම දුරකතන දෙක ද ඒ වන විට තිබී ඇත්තේ අස්ථානගතවය. සියල්ල අමතක කර සිය නිවෙසට යෑම සඳහා කුටියෙන් පිටතට පැමිණ ඒ මේ අත බලද්දී ඔහු මාර්ගය අසල නවතා තිබූ යතුරුපැදියත් තිබී නැත.
Advertisement
එබැවින් ඔහු ඒ ගැන පොලිසියට ගොස් පැමිණිලි කර තිබේ.
Advertisement
ඒ අනුව පොලිස් නිලධාරීන් අදාළ බැංකුවේ සීසීටීවී දර්ශන පරීක්ෂා කිරීමේදී අලුයම 5.15ට පුද්ගලයන් දෙදෙනකු ඒ.ටී.එම්. කුටිය තුළට ගොස් නිදා සිටි ව්‍යාපාරිකයා අසලට ගොස් සාක්කුවට අත දමා ජංගම දුරකතන දෙක සහ යතුරුපැදියේ යතුර ගෙන පිටවී යන අයුරු සටහන්ව තිබූ බව පොලිසිය කියයි.
Advertisement
මුදල් පසුම්බියේ මුදල් නැති බැවින් දමා ගොස් ඇතැයි පොලිසිය සඳහන් කරයි.
Advertisement
Advertisement
Advertisement
