ඉන්ධන, ගෑස්, ඖෂධ ඇතුළු අත්යාවශ්ය භාණ්ඩ බෙදාහැරීම සඳහා සැලසුම් කර අවසන් බව ජනාධිපති ගෝඨාභය රාජපක්ෂ සඳහන් කරනවා.
ඒ අනුව මේ වනවිට රටේ පවතින තත්ත්වය දින කිහිපයක් ඇතුළත විසදන බවයි ජනාධිපතිවරයා වැඩිදුරටත් සඳහන් කරන්නේ.
වර්තමානයේ රට මුහුණ දෙන ආර්ථික අභියෝග ජයගෙන අපනයන හා කෘෂි ආර්ථිකයට ප්රමුඛතාව දෙමින් නව ආයෝජන සහිත ශක්තිමත් ආර්ථිකයක් ගොඩනැංවීම රජයේ අරමුණ වූ අතර, ලොවම මුහුණ පෑ කොවිඩ් වසංගත තත්ත්වය සියලු රටවල් දැඩි ආර්ථික අර්බුදයකට ගෙන ගොස් ඇති අතර ඉතාම ධනවත් රටවල් පවා පවතින ආර්ථික අර්බුදයට විසඳුම් සොයමින් සිටින බව ජනාධිපතිවරයා සදහන් කරනවා.
එහිදී මුදල් සංචිතයක් නොමැති අප වැනි රටක ආර්ථිකයට එම තත්ත්වය ඉතා තදින් බලපානු ඇති බවත් මේ වනවිට ජාත්යන්තර මූල්ය අරමුදල සමඟ සාකච්ඡා සාර්ථක වී ඇති අතර ඉදිරි සති කිහිපය ඇතුළත එම ණය ආධාර වැඩසටහන ක්රියාත්මක කිරීමට අවශ්ය පසුබිම සැකසී ඇති බවද ජනාධිපතිවරයා පවසනවා.
එමෙන්ම ඉතා සැලසුම්සහගත සහ දීර්ඝ වෑයමකින් පසු එහි ප්රතිඵල මේ වන විට රටට ලැබෙමින් පවතින බව ජනාධිපති ගෝඨාභය රාජපක්ෂ වැඩිදුරටත් සඳහන් කර සිටිනවා.
මේ සම්බන්ධයෙන් නිකුත් කරන ලද මාධ්ය නිවේදනය පහතින්.
Source:Dawasa