රාජ්ය සේවය ශක්තිමත් කිරීමට රජය පියවර ගන්නා බව ජනාධිපති අනුර කුමාර දිසානායක පවසනවා.
අනුරාධපුර දිස්ත්රික් ලේකම් කාර්යාලයේ පැවැති අනුරාධපුර දිස්ත්රික් සම්බන්ධීකරණ කමිටු සාකච්ඡාවට එක් වෙමින් ජනාධිපතිවරයා මේ බව සදහන් කළා.
ලබන ජූනි මාසය වන විට රාජ්ය සේවයේ නිවැරදි දත්ත පද්ධතියක් සකස් කිරීම සඳහා කටයුතු කරමින් සිටින බවත්, රාජ්ය සේවය සතු දැනට තිබෙන දත්ත ප්රමාණයේ විශාල වියවුලක් පවතින බැවින් ඒවා මත පදනම්ව නිවැරදි තීන්දු තීරණ ගැනීමේ හැකියාවක් නොමැති බවද ජනාධිපතිවරයා පෙන්වා දෙනවා.
රාජ්ය සේවකයින් සඳහා සාධාරණ මූලික වැටුප් වැඩිවීමක් මෙන්ම විශ්රාමිකයින්ගේ වැටුප් විෂමතා වසර තුනක් ඇතුළත අවසන් කිරීමට අදාළ යෝජනා මෙවර අයවැයට ඉදිරිපත් කරන බවද ජනාධිපතිවරයා මෙහිදී අනාවරණය කළා.
රාජ්ය සේවය ශක්තිමත් කරන අතර රාජ්ය සේවයේ පිරිවැය කළමනාකරණය කිරීමේ අවශ්යතාව පිළිබඳව ද මෙම සාකච්ඡාවේදී අවධානය යොමු වූ බව ජනාධිපති මාධ්ය නිකුත් කළ නිවේදනයේ සඳහන්.
රාජ්ය සේවය තුළ මේ වන විට නිර්මාණය වී ඇති අත්යාවශ්ය පුරප්පාඩු 30,000ක පමණ ප්රමාණය කඩිනමින් බඳවා ගැනීමේ අවශ්යතාව මෙම සාකච්ඡාවේදී අවධානයට ලක් වූ අතර ඊට අදාළ මුදල් වෙන්කිරීම සඳහා මෙවර අයවැයට යෝජනා ඉදිරිපත් කිරීම පිළිබඳව ද මෙහිදී සැලකිල්ලට ගෙන ඇත.
