මේ කියන්න යන්නේ අන්න ඒ ගැන ඇසෙන අලුත්ම ආරංචිය..
කැරලි කොණ්ඩයක් සකස් කර ගැනීමට මිනුවන්ගොඩ රූපලාවණ්යාගාරයකට ගිය කතකගේ කොණ්ඩය කැඩී යෑමේ සිද්ධිය සම්බන්ධයෙන් නඩු කටයුතු අද පැවැත්වෙනවා..
මේ සිද්ධිය සම්බන්ධයෙන් පාරිභෝගික කටයුතු පිළිබඳ අධිකාරිය ද විමර්ශනයක් ආරම්භ කර ඇති අතර, එහි වැටලීම් හා විශේෂ විමර්ශන අධ්යක්ෂ සංජය ඉරසිංහ මහතා සඳහන් කරනු ලැබුවේ අදාළ කාන්තාවගේ හිසේ ගැල්වූ ආලේපනය හඳුනා ගැනීමට මෙතෙක් හැකියාවක් ලැබී නැති බවයි..
ඊට හේතු වී ඇත්තේ මෙතෙක් එම රූපලාවණ්යාගාරය ඉබි යතුරු දමා වසා එහි හිමිකාරිනිය සහ සහායකයන් දෙදෙනා පලාගොස් සැඟවී සිටින බැවින්.. යම් ආයතනයක දොරගුළු කඩා විවෘත කිරීමට තම ආයතනයට බලයක් නැති බව ද ඔහු පැවසුවා…
සති දෙකකට වැඩි කාලයක් ගෙවී ගොස් ඇතත් පොලිසියට ඔවුන් තිදෙනා අත්අඩංගුවට ගෙන රූපලාවණ්යාගාරය පරීක්ෂා කිරීමට හැකියාවක් ලැබී නැහැ.. පොලිසිය පාර්ශ්වයෙන් පවසන්නේ එම සැකකරුවන් තිදෙනා ගේ දොර අතහැර පලා ගොස් සිටින බවය්ඊ..
හිමිකාරිනිය පලා ගොස් සැඟවී සිටියත් ඇගේ සහායකයන් දෙදෙනා සිටින බවට විවිධ තොරතුරු පාරිභෝගි කටයුතු අධිකාරියට ලැබී තිබෙනවා..
දිනමිණ ඇසුරෙන්..
