මෙලෙස දඩ නියම වූයේ පුත්තලම ප්රදේශයේ පදිංචි 42 හැවිරිදි නීතිඥවරයෙකුට සහ ඔහුගේ පුතුටයි..
ඉකුත් 24 වැනිදා නීතිඥවරයා සිය පවුලේ සාමාජිකයන් සමඟ තංගල්ල ප්රදේශයේ ඥාති නිවසකට ගොස් පසුදින යළි මත්තල සිට කටුනායක දෙසට මෝටර් රථය පැද යෑමේදී මෝටර් රථය 15 හැවිරිදි පුතු වෙත ලබා දී ඔහු එය පදවාගෙන යමින් සිටියදී වෙනත් වාහනයක් පදවාගෙන යමින් සිටි පුද්ගලයෙකු එය ජංගම දුරකතනයෙන් වීඩියෝ කර සමාජ මාධ්ය වෙත මුදා හැර තිබුණා..
මෝටර් රථයේ ලියාපදිංචි අයිතිකරු වන නීතිඥවරයා රියැදුරු බලපත්රයක් නොමැතිව ධාවනයට ඉඩදීම යන චෝදනාවට අධිකරණය වෙත ඉදිරිපත් කිරීමෙන් අනතුරුව රුපියල් 25,000ක දඩ මුදලක් සහ වයස අවුරුදු 17ට අඩු අයකු රිය පැදවීම හා ආසන පටි නොපැලැඳ රිය ධාවනය කිරීම යන චෝදනා යටතේ නීතිඥවරයාගේ පුතුට රුපියල් 30,000 ක දඩ මුදලක් නියම කිරීමට මහේස්ත්රාත්වරයා වැඩිදුරටත් නියෝග කර තිබුණා..
අධිවේගී රථවාහන පොලිසියේ අධ්යක්ෂක ජ්යෙෂ්ඨ පොලිස් අධිකාරී මයුරා පෙරේරා සහකාර පොලිස් අධිකාරී වසන්ත කෝරලගේ, ස්ථානාධිපති ප්රධාන පොලිස් පරීක්ෂක අනුරුද්ධ චන්ද්රසේකර යන අයගේ උපදෙස් මත ගැලනිගම රථවාහන පොලිසියේ ස්ථානාධිපති ප්රධාන පොලිස් පරීක්ෂක එස්.ඒ. කරුණාරත්න පොලිස් පරීක්ෂක කේ.එම්.සි. කුමාරසිංහ පොලිස් සැරයන් 33407 චන්දන යන අය මීට අදාල පරීක්ෂණ පැවැත්වූවා..
දිනමිණ ඇසුරෙන්..
