දෙවන එලිසබෙත් රැජිනගේ වැඩිමහල් පුත් චාල්ස් කුමරු සමඟ කෙටි විවාහයකින් පසු 1981 දී ඩයනා ප්රසිද්ධියට පත්වුණා. ඔවුන්ගේ විවාහය 1981 දී ශාන්ත පාවුළු ආසන දෙව්මැදුරේදී සිදු වූ අතර ඇයව වේල්ස් කුමරිය බවට පත් කළා. මෙම යුවළට පුතුන් දෙදෙනෙක් සිටියා. විලියම් කුමරු සහ හැරී කුමරු. ඔවුන් බ්රිතාන්ය සිංහාසනයට අනුප්රාප්තිකයා ලෙස දෙවන හා තෙවන ලෙස නම් කර තියෙනවා. කෙසේවෙතත්, ඩයනා චාල්ස් විවාහය 1996 දී දික්කසාදයෙන් විවාහය අවසන් වුනා..
ඉතා ඡායාරූපජනක යැයි සැලකෙන ඇය 1980 සහ 1990 දශකවල අතිශය ජනප්රිය වුණා. 1997 දී පැරිස් උමගක සිදුවූ රිය අනතුරකින් ඇය නැති විය.
පහත දැක්වෙන්නේ ඇය පිළිබඳ ඇගේ ප්රේක්ෂකයෙක් තැබූ සටහනයි.
වසර 25 ට පෙර අද වැනි දවසක එංගලන්තයේ රෝස කුසුම රොන්සුණු සුවඳ පමණක් ලෝකයට ඉතිරිකර සදාකාලික සැනසුම සොයා නික්ම ගියාය.
විසිවැනි සියවසේ වැඩිම දෙනෙක් නැරඹූ විවාහ මංගල්යයේ උරුමකාරිය වූ ඩයනා, එසියවසම කම්පා කළ අවමංගල්යයේද කොටස්කාරියක වූයේ දෛවෝපගත ලෙසිනි.
තමා සොයනා ආදරය නොමැති තැනෙක රජ සැප වුවත් අත් හැර දැමීමට තරම් නිදහස් චින්තනයෙන් යුතු වූ නිසාවෙන් ද තමා සෙවූ ආදරය ඇත්තේ කොතැනක ද, සාම්ප්රදායික බැමි සහ සීමා බිඳ දමා එකී ආදරය ලොබ සිතින් වැලඳ ගන්නට හැකි වූ නිසාවෙන් ද ඇය රෝස කුසුමක වෙස් ගත් වීරවරියකැයි සලකමි.
ඉතින් . . . එංගලන්තයේ රෝස කුසුම. ඔබට සුබ ගමන් !
– සහන් කසීර වික්රමසිංහ
