සියලුම මත්පැන්හල් මේ දිනවලදී වසා තැබිය යුතුයි – සුරාබදු දෙපාර්තමේන්තුවෙන් රටටම නිවේදනයක්

ශ්‍රී බුද්ධ වර්ෂ 2570 ක් වන ජාතික වෙසක් පුණ්‍යමහෝත්සවය 2026. 05. 30 සහ 31 දෙදින පැවැත්වීමට රජය තීරණය කර ඇති බැවින් එම දින දෙක තුළ සියලුම මත්පැන්හල් වසා තැබිය යුතු බව සුරාබදු කොමසාරිස් ජනරාල් දන්වා ඇත.

ඒ අනුව සුරාබදු දෙපාර්තමේන්තුව නිවේදනය කර ඇත්තේ 2026. 03. 30 දිනැති අමාත්‍ය මණ්ඩල තීරණය අනුව ජාතික වෙසක් පුණ්‍යමහෝත්සවය සැමරීමේ කටයුතු 2026. 05. 30 දිනට යෙදී ඇති පුරපසළොස්වක පොහොය දිනයේ දී සිදු කිරීමට නියමිත බැවින්, 2026.05.29 වන දින මත්පැන්හල් වසනු ලබන වෙලාවේ සිට 2026. 06. 01 වන දින විවෘත කිරීමට නියමිත වේලාව තෙක් වසා තැබිය යුතු බවයි.

එබැවින් 2026. 05. 01, 2026. 05.30 සහ 2026. 05. 31 යන දිනයන්හිදී සුරා බදු බලපත්‍රලත් ස්ථාන වැසීමට කටයුතු නොකරනු ලබන හෝ බලපත්‍ර කොන්දේසි කඩ කරනු ලබන යම් සුරා බදු බලපත්‍රලත් ස්ථානයක් වෙතොත් ඒ සම්බන්ධ තොරතුරු 1913 කෙටි දුරකථන අංකය ඔස්සේ හෝ [email protected] යන විද්‍යුත් තැපෑල මඟින් යොමු කරන මෙන් මහජනතාවගෙන් ඉල්ලා සිටියි.

එමෙන්ම එසේ බලපත්‍ර කොන්දේසි කඩ කරනු ලබන යම් බලපත්‍රලත් ස්ථානයක් වෙතොත් ඒ සම්බන්ධයෙන් නීතිය දැඩිව ක්‍රියාත්මක කරන ලෙස දිවයිනේ සියලුම සුරාබදු නිලධාරීන් වෙත උපදෙස් ලබා දී ඇති බව ද වාර්තා වේ.