වර්තමානයේ හැකරුන් ඕනෑම තැනක සිටිය හැකි බවත්, රජයක් ලෙස ගත යුතු උපරිම ක්රියාමාර්ග ගනිමින් ඔවුන් භාණ්ඩාගාරයෙන් අත්පත් කරගත් මුදල් නැවත ලබාගැනීමට කටයුතු කරන බවත් ඇමති ක්රිෂාන්ත අබේසේන මහතා ප්රකාශ කරයි.
අදාල සිදුවීම සම්බන්ධයෙන් වගකිවයුතු රජයක් ලෙස දැනටමත් අපරාධ පරීක්ෂණ දෙපාර්තමේන්තුව මගින් විමර්ශන ආරම්භ කර ඇති බව ඔහු සඳහන් කළේය.
එමෙන්ම, මෙම ක්රියාවලිය සාර්ථක කර ගැනීම සඳහා ඕස්ට්රේලියාව වැනි රටවලින් සහ ජාත්යන්තර මට්ටමෙන් අවශ්ය සහය ලබාගනිමින් සිටින බවත්, එමගින් පද්ධතිය නැවත යථා තත්ත්වයට පත් කිරීමට හැකි වනු ඇති බවත් ඔහු වැඩිදුරටත් පැවසීය.
විපක්ෂය විසින් සිදුකරන චෝදනා සම්බන්ධයෙන් අදහස් දක්වමින් ඇමතිවරයා පැවසුවේ, විපක්ෂයට වෙනත් පැවසීමට දෙයක් නොමැති බැවින් ජනතාව රවට්ටමින් නොමග යැවීමට උත්සාහ කරන බවයි.
කෙසේ වෙතත්, රජය විසින් නිවැරදි විමර්ශන සිදුකර සත්යය ජනතාවට ඔප්පු කරන බවත්, අහිමි වූ මුදල් නැවත අත්පත් කර ගැනීමට කටයුතු කරන බවත් ඔහු අවධාරණය කළේය
