රත්තරන් ගන්න ඉන්න අයට නම් මේක එච්චර හොඳ ආරංචියක් නෙවෙයි.
ලෝක වෙළඳපොළේ රත්තරන් මිල එකවරම ඉහළ යාමත් එක්ක ලංකාවේ නිම කරන ලද රන් ආභරණවල මිලත් හිතාගන්න බැරි විදියට වැඩි වෙලා තියෙනවා. සමස්ත ලංකා ස්වර්ණාභරණ සංගමයේ ලේකම් ආර්. බාලසුබ්රමනියම් මහතා පවසන විදියට දැන් රන් පවුමක මිල සාමාන්යයෙන් රුපියල් විසි දහසකින් (20,000) විතර ඉහළ ගිහින්.
ඔබ අද රන් ආභරණයක් ගන්න යනවා නම් සාමාන්යයෙන් මිල ගණන් වෙනස් වෙන්නේ මෙහෙමයි.
සාමාන්ය රන් මාලයක්: රු. 325,000 සිට රු. 345,000 දක්වා.
මංගල රන් මාලයක්: රු. 380,000 සිට රු. 400,000 සීමාවට.
මුද්දක්: රු. 360,000 සිට රු. 380,000 දක්වා.
සාමාන්ය වළල්ලක්: රු. 340,000 සිට රු. 360,000 දක්වා.
මංගල වළල්ලක්: රු. 370,000 සිට රු. 390,000 දක්වා.
අද වන විට වෙළඳපොළේ පවතින රන් මිල ගණන් පහත පරිදි සටහන් වෙනවා.
කැරට් 24 පවුමක්: රුපියල් 354,000/-
කැරට් 22 පවුමක්: රුපියල් 327,500/-
මේ මිල වැඩිවීමට ප්රධානම හේතුව වෙලා තියෙන්නේ ලෝක දේශපාලනයේ උණුසුම් තත්ත්වයක්. ඇමරිකාව සහ වෙනිසියුලාව අතර යුද ගැටුමක් ඇතිවෙයි කියන බය නිසා ලෝකයේ ප්රබල රටවල් සහ ආයෝජකයින් රත්තරන් තොග රැස් කරන්න පටන් අරන්.
යුද්ධයක් ආවොත් සල්ලිවලට වඩා රත්තරන් ආරක්ෂිතයි කියලා හැමෝම හිතන නිසා, ඉල්ලුම වැඩි වෙලා මෙහෙම මිල ඉහළ ගිහින් තියෙනවා.
