ගාල්ල නගරයට අද (20) පස්වරුවේ ඇද හැලුණු අධික වර්ෂාපතනය හේතුවෙන් එම නගරයේ මාර්ග රැසක් ජලයෙන් යටව තිබේ.
ගාල්ල මහා වීදිය, ගාල්ල මාතර ප්රධාන මාර්ගය, ගාල්ල වක්වැල්ල මාර්ගය, ගාල්ල බද්දේගම ප්රධාන මාර්ගය, සරෙන්තුකඩේ හන්දිය, තලාපිටිය, තනිපොල්ගහ, දංගෙදර, බෙලිගහ ඇතුළු මාර්ග රැසක් මෙන්ම සංචාරක ගාලු කොටුවේද මාර්ග කීපයක් මෙලෙස ජලයෙන් යට ව ඇත.
ප්රදේශවාසීන් චෝදනා කරනුයේ නිසි ලෙස ජලය බැස යන කාණු පද්ධති සුද්ධ නොකිරීම සහ ඒ මත ඉදිකර ඇති අනවසර ඉදිකිරීම් හේතුවෙන් මෙම තත්ත්වය මතුවූ බවය.
