මේ කියන්න යන්නේ ඇඟලුම් සේවකයින් රැගත් බස්රථයක් ගැන ඇසෙන තවත් එක් කතාවක්.
යටියන්තොට, හල්ගොල්ලේ සිට රුවන්වැල්ල, තලෝවිට ප්රදේශයේ පිහිටි ඇඟලුම් කම්හලකට සේවකයන් රැගෙන යමින් තිබූ බස් රථයක් ඊයේ උදෑසන අනතුරකට ලක් වුණා.. ඒ ලැවන්ට් වත්ත රබර් කර්මාන්ත ශාලාව අසලදී පාරෙන් ඉවතට පැන පෙරළී අනතුරට ලක්වූ නිසාය්
බස් රථයේ සිටි ඇඟලුම් සේවිකාවන් 5 දෙනකු සුළු තුවාල ලබා කරවනැල්ල මූලික රෝහලට ඇතුළත් කර ඇත. ඔවුන්ගේ තත්ත්වය බරපතළ නොවන බව රෝහල් ආරංචි මාර්ග පවසන්නේ.
රියැදුරු අත්අඩංගුවට ගෙන ඇති අතර, බස් රථයේ කාර්මික දෝෂයක් හේතුවෙන් අනතුර සිදුවන්නට ඇතැයි පොලීසිය සැක පළකරනවා.
යටියන්තොට පොලීසියේ ස්ථානාධිපති, ප්රධාන පොලිස් පරීක්ෂක ඊ.එන්.පී. ඒකනායක මහතාගේ උපදෙස් පරිදි, රථවාහන අංශයේ ස්ථානාධිපති පොලිස් සැරයන් 35610 රාජපක්ෂ මහතා ඇතුළු නිලධාරීන් කණ්ඩායමක් අනතුර සම්බන්ධ පරීක්ෂණ සිදු කරනවා
