රක්ෂිත බන්ධනාගාරගතව අසනීප තත්ත්වයෙන් කොළඹ ජාතික රෝහලේ ප්රතිකාර ලබන හිටපු ජනාධිපති රනිල් වික්රමසිංහ මහතාගේ සුවදුක් බලන්නට වත්මන් අගමැතිනි හරිනි අමරසූරිය මෙනෙවිය පෙරේදා(24) මැදියම් රැයේ රෝහලට ගිය බවට වන පුවත හිරු නිවුස් වෙබ් අඩවියේ පල කරන ලද්දේ රෝහල් ප්රකාශකයකු මගින් එය තහවුරු කර ගැනීමෙන් අනතුරුවය.
මෙරට හා බැඳුණු සමාජ, සංස්කෘතික පරිසරය තුල කවරකුගේ හෝ අසනීපයකදී මෙන්ම මරණයකදී පක්ෂ පාට භේදයකින් තොරව එක්වන සමාජ හා දේශපාලන ක්රමයක් පවතින රටක මෙම සිදුවීමේ කිසිදු වරදක් අපි නොදුටුවෙමු.
නමුත් මෙම පුවත පල වූ සැණින් අගමැති කාර්යාලය මගින් නිවේදනයක් නිකුත් කරන ලද අතර එමගින් අප පල කළ පුවත ප්රතික්ෂේප කර තිබිණි.
සදාචාරාත්මක මාධ්යයක් ලෙස එලෙස පිළිතුරු දීමේ අයිතියට ගරු කරමින් හිරු වෙබ් අඩවියේ පළවූ පුවතට දුන් ප්රමුඛතාවම ලබා දෙමින් අගමැති ලේකම්වරයාගේ අත්සනින් එවන ලද එම නිවේදනය අපගේ වෙබ් අඩවියේ පල කළෙමු.
ඒ සමගම හිරු වෙබ් අඩවිය මගින් කුමන්ත්රණකාරී ලෙස ව්යාජ පුවතක් සමාජගත කරන්නට උත්සාහ කළ බවට එල්ලවන චෝදනාවද අපි තරයේ ප්රතික්ෂේප කරමු.
එවැනි පටු අරමුණුවලින් යුතුව අප කිසිවිටෙකත් මාධ්ය මෙහෙවරෙහි නොයෙදෙන බව මෙන්ම ජනතාවගේ තොරතුරු දැනගැනීමේ අයිතිය වෙනුවෙන් අප සැමවිටම පෙනී සිටින බවද මෙහිලා අවධාරණය කරමු.
hirunews
