ශ්රී ලාංකික සම්භවයක් සහිත බොලිවුඩ් නිළි ජැක්ලීන් ෆර්නැන්ඩස්ගේ මව වන කිම් ෆර්නැන්ඩස් මිය ගොස් තිබෙනවා.
ඒ මුම්බායි රෝහලක ප්රතිකාර ලබන අතරතුරයි.
66 වන වියෙහි පසුවන ඇය පසුගිය මාර්තු 24 වන දින හදිසි හෘද රෝගී තත්ත්වයකට ගොදුරු වී දිගු කාලයක් රෝහල්ගත කර සිටියා.
මවගේ රෝගී තත්ත්වය නිසා පසුගිය දින කිහිපය පුරා ජැක්ලින් මව සමඟ ගත කළ අතර, පසුගිය මාසයේ ගුවහාටි නුවර පැවැත්වීමට නියමිතව තිබූ ඉන්දියානු ප්රිමියර් ලීග් ක්රිකට් තරඟාවලියේ සමාරම්භක උත්සවයේ සංදර්ශනයද අත්හැර දැමුවා.
කිම් ෆර්නැන්ඩස් මැලේසියානු හා කැනේඩියානු පරම්පරාවකින් පැවත එන අතර, ඇය බහරේන්හි ගුවන් සේවිකාවක ලෙස සේවය කරමින් සිටියදී 1980 දශකයේදී ශ්රී ලංකාවේ බර්ගර් ජාතිකයෙකු වූ එල්රෝයි ෆර්නැන්ඩස් හමු වූවාය.
සිංහල හා දෙමළ ජාතීන් අතර පැවති සිවිල් අරගලය හේතුවෙන් ශ්රී ලංකාවෙන් බහරේනයට සංක්රමණය වූ එල්රෝයි, පසුව විවාහ වූහ.
1985 වසරේ උපත ලැබූ ජැක්ලීන්, තම දෙමාපියන්ගේ සිව් දරුවන්ගෙන් බාලයා වන අතර, ඇයට සහෝදරයන් දෙදෙනෙකු හා එක් සහෝදරියක් සිටිති.
