මේ පණිවිඩය රාජ්ය සේවයේ නිරත ඔබට.
පුරවැසියාට අයිතියක් වන ලෙස හා රාජ්ය නිලධාරියාට වගකීමක් වන ලෙස රාජ්ය සේවය ශක්තිමත් කිරීමට රජය පියවර ගන්නා බව ජනාධිපති අනුර කුමාර දිසානායක පවසනවා.
පවතින රාජ්ය සේවය පිළිබඳ පුරවැසියාගේ තෘප්තිමත්භාවයක් නොමැති බව පැවසූ ජනාධිපතිවරයා රජයේ සේවාවන් ඩිජිටල්කරණය කිරීම තුළින් පුරවැසියන්ට කාර්යක්ෂම සේවයක් ලබාදීමට අපේක්ෂා කරන බවයි පවසන්නේ.
අනුරාධපුර දිස්ත්රික් ලේකම් කාර්යාලයේ පැවැති අනුරාධපුර දිස්ත්රික් සම්බන්ධීකරණ කමිටු සාකච්ඡාවේදීය ජනාධිපතිවරයා මේ අදහස් පල කළා.
ලබන ජූනි මාසය වන විට රාජ්ය සේවයේ නිවැරදි දත්ත පද්ධතියක් සකස් කිරීම සඳහා කටයුතු කරමින් සිටින බවත්, රාජ්ය සේවය සතු දැනට තිබෙන දත්ත ප්රමාණයේ විශාල වියවුලක් පවතින බැවින් ඒවා මත පදනම්ව නිවැරදි තීන්දු තීරණ ගැනීමේ හැකියාවක් නොමැති බවත් ජනාධිපතිවරයා මෙහිදී වැඩිදුරටත් සඳහන් කළා.
රාජ්ය සේවය ශක්තිමත් කරන අතර රාජ්ය සේවයේ පිරිවැය කළමනාකරණය කිරීමේ අවශ්යතාව පිළිබඳව ද මෙම සාකච්ඡාවේදී අවධානය යොමු විය.
