මෝටර් රථ ආනයනය, රඳවා ගැනීමේ බදු සහ වැට් බදු එකතු කිරීම, ඩිජිටල්කරණය පිළිබඳ ගැටලු සම්බන්ධයෙන් ජනාධිපති අනුර කුමාර දිසානායක සහ මුදල් අමාත්යාංශයේ නිලධාරීන් අතර සාකච්ඡාවක් අද (07) පෙරවරුවේ ජනාධිපති කාර්යාලයේ දී පවත්වා තිබෙනවා.
එහිදී ශ්රී ලංකාවට වාහන ආනයනය කිරීමේදී මුහුණ දීමට සිදුවන අභියෝග පිළිබඳව මෙහිදී විශේෂ අවධානය යොමු වූ බවත්, රට තුළ පවත්නා මූල්ය අර්බුදය සහ ආර්ථික ප්රමුඛතාවන් සැළකිල්ලට ගනිමින් මෙම ගැටලු විසඳා ගැනීමේ අවශ්යතාව සම්බන්ධයෙන්ද අවධාරණය කළ බවයි ජනාධිපති මාධ්ය ඒකකය සඳහන් කරන්නේ.
එමෙන්ම, ආදායම් බදුවලට යටත් නොවන විශ්රාමිකයින්ගෙන් අය කරන රඳවා ගැනීමේ බදු නැවත ඔවුන්ට ලබා දීම සඳහා පහසු ක්රියාවලියක් සැකසීමේ සම්බන්ධයෙන්ද මෙහිදී විශේෂ අවධානයට ලක්ව තිබෙනවා.
තවද, කාර්යක්ෂමතාව සහ විනිවිදභාවය ඉහළ නැංවීම සඳහා එකතු කළ අගය මත බදු (වැට්) එකතු කිරීමේ ක්රියාවලීන් ඩිජිටල්කරණය කිරීමේ ඇති අවශ්යතාව පිළිබඳව සහ බදු අනුකූලතාවය සහ ආදායම් ඉපැයීම වැඩිදියුණු කිරීමට අපේක්ෂා කරන විස්තීර්ණ ඩිජිටල් පද්ධතියක් කඩිනමින් ක්රියාත්මක කිරීමටද සැලසුම් කරන බවයි ජනපතිවරයා එහිදී සඳහන් කර ඇත්තේ.
