නිරිත දිග බෙංගාල බොක්ක ප්රදේශයේ පවතින ගැඹුරු පීඩන අවපාතය ඊයේ පස්වරු 11.30 පමණ වන විට ත්රිකුණාමලයට කිලෝමීටර් 190 ක් පමණ දුරින් ගිනිකොන දෙසින් පිහිටා තිබුණි.
එය දිවයිනේ නැගෙනහිර වෙරළට ආසන්නව ගමන් කර අද (27) වැනි දින සුළි කුණාටුවක් දක්වා තවදුරටත් තීව්ර වීමට ඉඩ ඇති බවයි කාලගුණ විද්යා දෙපාර්තමේන්තුව රතු නිවේදනයක් නිකුත් කරමින් පවසන්නේ.
මෙම පද්ධතියේ බලපෑම හේතුවෙන් දිවයින පුරා බොහෝ ප්රදේශවල අහස වලාකුළින් බරව පවතින අතර උතුරු, උතුරු – මැද, නැගෙනහිර සහ වයඹ පළාත්වල ඉතා තද වැසි සහ තද සුළං බලාපොරොත්තු විය හැක. දිවයිනේ බොහෝ ප්රදේශවල විටින් විට වැසි හෝ ගිගුරුම් සහිත ඇති වේ.
උතුරු, උතුරු – මැද සහ නැගෙනහිර පළාත්වලත් පුත්තලම දිස්ත්රික්කයේත් ඇතැම් ස්ථානවලට මි.මී.200 ට වැඩි ඉතා තද වැසි ඇති විය
දිවයින පුරා බොහෝ ප්රදේශවල අහස වලාකුළින් බරව පවතින අතර උතුරු, උතුරු-මැද, නැගෙනහිර,වයඹ සහ මධ්යම පළාත් වලට ඉතා තද වැසි සහ තද සුළං තවදුරටත් අපේක්ෂා කරනබව කාලගුණවිද්යා දෙපාර්තතමේන්තුව කියයි.
දිවයිනේ උතුරු, උතුරු-මැද, මධ්යම,බස්නාහිර සහ වයඹ පළාත්වලත් ත්රිකුණාමලය, මඩකලපුව සහ කෑගල්ල දිස්ත්රික්කවලත් විටින් විට වැසි හෝ ගිගුරුම් සහිත ඇති වේ.
ඇතැම් ස්ථානවලට මි.මී.150 ට වැඩි ඉතා තද වැසි ඇතිවිය හැක. දිවයිනේ සෙසු ප්රදේශවලත් විටින් විට වැසි ඇතිවේ. ඇතැම් ස්ථානවලට මි.මී.75 ට වැඩි තරමක තද වැසි ද ඇතිවිය හැක.
උතුරු, උතුරුමැද , මධ්යම, බස්නාහිර, වයඹ, දකුණ සහ නැගෙනහිර පළාත්වල විටින් විට හමන පැ.කි.මී. (40-50) ක පමණ තද සුළං පවතී .ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.
