මේ කියන්න යන්නේ අද දවසේ අහන්න ලැබුණ තවත් අවාසනාවන්ත පුවතක් ගැන කතාවක්..
මේ අවාසනාවන්ත සිද්ධිය අද අලුයම සිදුවන්නේ ගිරිතලේ – බකමූණ ප්රධාන මාර්ගයේදී බවයි වාර්තා වෙන්නේ..
ගිරිතලේ – බකමූණ ප්රධාන මාර්ගයේ යාය 19 සෝමියෙල් ප්රදේශයේදී බකමූණ සිට පොලොන්නරුව දෙසට ගමන් ගත් මයික්රෝ හයිරූෆ් වර්ගයේ වෑන් රථයක් මාර්ගය හරහා ගමන් ගන්නා අවස්ථාවේදී, වන අලියෙකුගේ ගැටී තිබෙනවා..
ඉන් පසු උරණ වූ වන අලියා එම වෑන් රථයට දැඩි ලෙස පහරදී ඒ අසල මාර්ගයේ එක් පසෙකින් ඇති යෝධ ඇල දෙසට වෑන් රථය පෙරලා දමා ඇති බවට වාර්තා වෙනවා… අද අලුයම 4.45 ට පමණ මේ අනතුර සිදුව ඇති බවටයි වාර්තා වෙන්නේ..
අනතුරකින් වෑන් රථය පැදවූ අංක 103, සේවාගම, පලුගස්දමන, පොලොන්නරුව ලිපිනයේ පදිංචි ඩබ්.එස්.ඩී.දිනේෂ් සඳරුවන් නමැති වයස අවුරුදු 28 ක තරුණයෙක් අවාසනාවන්ත ලෙස ජීවිතක්ෂයට පත්ව තිබුණා..
අනතුර සිදුවන අවස්ථාවේ වෑන් රථයේ සිට ඇත්තේ මොහු පමණක් වන අතර විනෝද චාරිකාවකට සහභාගී වූ පිරිසක් නිවෙස් වෙත රැගෙන ගොස් නැවත යමින් සිටියදී මෙම අවාසනාවන්ත අනතුරට ඔහු ලක්ව තිබුණා..
