නිරිතදිග ලන්ඩනයේ බන්ධනාගාරයක් වන HMP Wandsworth හි සිරකරුවෙකු සමඟ ලිංගිකව හැසිරෙන බව කියන සමාජ මාධ්ය වීඩියෝවක් හුවමාරුවීමෙන් පසු එක්සත් රාජධානියේ බන්ධනාගාර නිලධාරිනියකට චෝදනා එල්ල වී ඇති බව විදෙස් මාධ්ය වාර්තා කරනවා.
බටහිර ලන්ඩනයේ ෆුල්හැම් හි 30 හැවිරිදි Linda De Sousa Abreu නම් අය මෙම විෂමාචාර චෝදනාවලට මුහුණ දී ඇති බව සඳහන්. ඒ අනුව ඇය අද (01) Uxbridge මහේස්ත්රාත් අධිකරණයට ඉදිරිපත් කිරීමට නියමිත බවයි වාර්තා වූයේ.
විවාහක කාන්තාවක් වන ඇය බ්රසීලයේ උපන් අයෙක් බව සඳහන්.
බන්ධනාගාරය තුළදී රූගත කරන ලදැයි කියන වීඩියෝපටය අන්තර්ජාලයට මුදා හැරීමෙන් පසු ඉකුත් සිකුරාදා මෙට්රොපොලිටන් පොලිසිය විමර්ශනයක් ආරම්භ කර තිබෙනවා.
විදෙස් මාධ්ය වාර්තාවන්ට අනුව එම දර්ශනවල දැක්වෙන්නේ අදාළ නිලධාරියා එම ක්රියාව සිදු කිරීමට පෙර සම්පූර්ණ නිල ඇඳුමින් සැරසී සිටින ආකාරයයි.
1851 දී ඉදිකරන ලද වික්ටෝරියානු යුගයේ බන්ධනාගාරයක් වන HMP වැන්ඩ්ස්වර්ත්, දැඩි තදබදය සහ පිරිහෙන තත්ත්වයන් සමඟ පොරබදමින් පවතින්නක් ලෙස ප්රකටය.
මෑත කාලීන පරීක්ෂණවලදී අධික ප්රචණ්ඩත්වය, දැඩි කාර්ය මණ්ඩල අභියෝග ඇතුළු කරදරකාරී ගැටලු එතුළින් අනාවරණය වූ බවයි විදෙස් මාධ්ය සඳහන් කරන්නේ.
සැලකිය යුතු තරම් අඩු රැඳවියන් පිරිසක් සඳහා නිර්මාණය කර ඇති මෙම බන්ධනාගාරය, දැනට එහි අපේක්ෂිත ධාරිතාවයෙන් සියයට 163ක් දක්වා ඉහළ ගොස් ඇති බව සඳහන් වන අතර, සිරකරුවන් 1,500කට අධික සංඛ්යාවක් එහි වන බව කියවේ.
මැයි මාසයේදී ප්රධාන බන්ධනාගාර පරීක්ෂක චාලි ටේලර් අධිකරණ ලේකම් ඇලෙක්ස් චොක් වෙත “හදිසි දැනුම්දීමක්” නිකුත් කරමින් බන්ධනාගාරයේ භයානක තත්ත්වය සහ ක්ෂණික වැඩිදියුණු කිරීමේ අවශ්යතාවය ඉස්මතු කර ඇති බවයි වැඩිදුරටත් වාර්තා වන්නේ.
