ඇත්තටම මේක අහද්දීත් හිතට බියක් දැනෙනවා. හැබැයි මේ කියන්න යන්නේ හීනෙකින්වත් නොසිතන බියකරු ඇත්තක් ගැනයි.
සෞඛ්ය අමාත්යාංශයේ වසංගත රෝග විද්යා අංශය අද විශේෂ අනාවරණයක් කළා.
ඒ තමයි පසුගිය 2025 වසරේදී පමණක් මෙරට පුද්ගලයින් 14 දෙනෙකු ජල භීතිකා රෝගයෙන් මියගොස් ඇති බව.
විශේෂයෙන්ම මේ මාරක රකුසාට බිලිවෙලා තියෙන්නේ අපේ රටේ ඉන්න තරුණ පිරිස් සහ පුංචි දරුවෝ වීම තමයි වඩාත් සංවේදී කාරණාව.
බොහෝ දෙනෙක් හිතන්නේ බල්ලෙක් හැපුවොත් විතරයි ජල භීතිකාව හැදෙන්නේ කියලා.
ඒත් වෛද්යවරුන් පවසන්නේ ඔබේ සුරතල් පූසා සීරුවත්, සතෙකුගේ කෙළ ඔබේ සිරුරේ තුවාලයක ගෑවුණත් ඒක 100% ක්ම මාරාන්තික වෙන්න පුළුවන් කියලා.
පුත්තලම, කුරුණැගල සහ රත්නපුර දිස්ත්රික්කවලින් මේ දවස්වල වැඩිපුරම මරණ වාර්තා වෙලා තියෙනවා.
සතෙක් සීරුවොත් හෝ හැපුවොත් කලබල වෙන්න එපා. වහාම මේ පියවර අනුගමනය කරන්න:
විනාඩි 15ක් සේදීම: ගලා යන ජලයෙන් සහ සබන් යොදා තුවාලය හොඳින් පිරිසිදු කරන්න.
වහාම රෝහලට: “අපේ බල්ලා හොඳයිනේ” කියලා ඉන්න එපා. වහාම රජයේ රෝහලකට ගොස් එන්නත් ලබාගන්න.
2030 වෙද්දී ලංකාවෙන් මේ රෝගය මුළුමනින්ම තුරන් කරන්න සෞඛ්ය අංශ සැරසෙනවා. හැබැයි ඒකට ඔබේ දැනුවත්කම අත්යවශ්යයි.
පණ වගේ ඇති කරන සුරතලාට ආදරේ කරන්න, ඒ වගේම ඔබේ ජීවිතය ගැනත් හිතන්න!
