මුළු මහත් ලංකාවම කම්පනයට පත් කරමින් පොලොන්නරුව, තඹාල ගම්මානයෙන් අතිශය අවාසනාවන්ත පුවතක් වාර්තා වෙනවා.
මෙවර උසස් පෙළ විභාගයට පෙනී සිටින්නට දහසක් බලාපොරොත්තු තබාගෙන සිටි 17 හැවිරිදි එන්. ෆාතිමා නෂිමා දියණිය අද දින මෙලොව හැර ගොස් තිබෙන්නේ මුළු රටක්ම හඬවමින්.
පසුගිය 17 වැනිදා ෆාතිමා වෙනදා වගේම තමන්ගේ උපකාරක පන්තියට ගිහින් හරිම සතුටින් නිවසට පැමිණ තිබෙනවා.
ඇය නිවස තුළ සිටියදී, කිසිවෙකුත් බලාපොරොත්තු නොවූ මොහොතක යාබද නිවසේ පදිංචි 26 හැවිරිදි තරුණයෙකු නිවසට කඩා වැදී ඇයට දරුණු ලෙස පහර දී තිබෙනවා.
දින ගණනක මරණ සටන මෙම දරුණු ප්රහාරයෙන් ඇගේ හිසට බරපතල තුවාල සිදු වූ අතර, ඇයව වහාම පොලොන්නරුව රෝහලට ඇතුළත් කෙරුණා.
දින ගණනාවක් පුරා ජීවිතය ඉල්ලා මරණයත් සමඟ සටන් කළ මේ අහිංසක දියණිය, අද (04) උදෑසන සියලු දෙනාගේ ප්රාර්ථනා මැද නිහඬවම සමුගෙන තිබෙනවා.
සැකකරු දැන් කූඩුවේ මේ ම්ලේච්ඡ අපරාධයට සම්බන්ධ 26 හැවිරිදි තරුණයාව පුලස්තිගම පොලිසිය විසින් වහාම අත්අඩංගුවට ගෙන අධිකරණයට ඉදිරිපත් කිරීමෙන් පසු දැන් රක්ෂිත බන්ධනාගාර ගත කර තිබෙනවා.
තවමත් හෙළි නොවූ හේතුවක් මත අසල්වැසි තරුණයෙක් කළ මේ ම්ලේච්ඡ ක්රියාව නිසා මුළු තඹාල ගම්මානයම භීතියෙන් සහ ශෝකයෙන් ඇලලී ගොස් අවසානයි.
විභාගය ලියන්න, විශ්වවිද්යාලයට යන්න හීන දැකපු ඒ අහිංසක මල තලා දැමූ අපරාධකරුට උපරිම දඬුවම් ලැබිය යුතු බවයි දැන් සමාජ මාධ්ය පුරා හැමෝම ඉල්ලන්නේ.
