ජීවත් වෙලා ඉද්දි රහසක් වුණත්, මියගියාට පස්සේ ඒ රහස රටටම හෙළිවුණු අමුතුම සිදුවීමක් හෝමාගම මූලික රෝහලෙන් වාර්තා වෙනවා.
මේක හරියට සිනමා කතාවක් වගේ. වසර 20ක් තිස්සේ ආදරෙන් එකට ජීවත් වුණු දෙවැනි බිරිඳට දේහය අහිමි වෙද්දී, වසර 30කට පෙර අතහැර දමා ආ පළමු බිරිඳ නීතියත් එක්ක ඉදිරිපත් වෙලා තමන්ගේ අයිතිය තහවුරු කරගත්ත හැටි ඇත්තටම සිතාගත නොහැකියි.
මීගොඩ ප්රදේශයේ පදිංචිව සිටි 67 හැවිරිදි විශ්රාමික සෞඛ්ය සහායකයෙකු වකුගඩු රෝගයක් හේතුවෙන් මියයෑමත් සමඟ මේ ගැටලුව පැනනැගුණා.
මියගිය බව සැලවීමත් සමඟ රෝහලට කාන්තාවන් දෙදෙනෙකු ඉදිරිපත් වුණේ තමන් ඔහුගේ “නීත්යානුකූල බිරිඳ” බව පවසමින්.
දෙදෙනා අතර ඇතිවූ උණුසුම් වචන හුවමාරුව අවසානයේ නතර වුණේ මරණ පරීක්ෂකවරයා ඉදිරියෙයි.
පළමු බිරිඳ: ඇය මීට වසර 30කට පෙර කළුතරදී ඔහු සමඟ විවාහ වී දරුවන් දෙදෙනෙකු ලැබූ කාන්තාවයි. ඇය පවසා සිටියේ ඔහු තමන්ව අතහැර ආවා මිස කිසිදා නීතියෙන් දික්කසාද නොවූ බවයි.
දෙවැනි බිරිඳ: ඔහු මීගොඩ ප්රදේශයට පැමිණ වසර 20ක් තිස්සේ එකට ජීවත් වී තිබුණේ මේ කාන්තාව සමඟයි. ඇය පවසා සිටියේ ඔහුගේ සෑම අසනීපයකදීම ළඟ සිටියේ තමා බවත්, ඔහුගේ විශ්රාම වැටුප පවා තමන්ගේ නමට හරවා ඇති බවයි.
හෝමාගම හදිසි මරණ පරීක්ෂක චින්තක උදය කුමාර මහතා පෙන්වා දුන්නේ නීතිය ඉදිරියේ ආදරයට වඩා “ලියවිල්ල” බලවත් බවයි.
පළමු විවාහයෙන් දික්කසාද නොවී සිදුකරගත් දෙවන විවාහය නීතිය ඉදිරියේ වලංගු නොවන බව මෙහිදී තීන්දු කෙරුණා.
අවසානයේදී මරණ පරීක්ෂකවරයාගේ නියෝගය පරිදි මියගිය පුද්ගලයාගේ දේහය ඔහුගේ නීත්යානුකූල පළමු බිරිඳට භාර දුන්නා.
වසර 20ක් ආදරෙන් ළඟ හිටියත්, ඔහුගේ විශ්රාම වැටුප ඇගේ නමට තිබුණත්, දෙවැනි බිරිඳට හිස් අතින් බලා සිටින්නට සිදුවුණා.
දේහය රැගෙන ගියේ ඔහු වසර 30කට පෙර අතහැර දමා ආ පළමු බිරිඳගේ නිවසටයි.
නීතිය ඉස්සරහ අවුරුදු 20ක ආදරය පරදින හැටි පෙන්වූ මේ කතාව හෝමාගම රෝහල් ඉතිහාසයේ ලියවුණු අමුතුම මරණ පරීක්ෂණයක් වුණා.
