මේ දවස් වල හැමතැනම උන, හෙම්බිරිස්සාව. උගුර රිදෙන්න පටන් ගන්නකොට මේ දේවල් කරන්න

සමහරවිට ඔබත් නිතර දෙවේලේ අසනීපවලට මුහුණදෙන කෙනෙක් වෙන්න පුළුවන්.

උගුරේ අසනීපවලට මෙන්න මේ වගේ සහනයක් ලබාගන්න ඔබටත් දැන් පුළුවන්. බලන්නකෝ මේ කියන ප්‍රතිකාරය මොනවාද කියලා.

උගුර රිදෙන්න පටන් ගන්නකොටම, ඒ කියන්නේ හෙම්බිරිසා වෛරසයක් හැදීගෙන එනවා කියලා දැනෙන මුල්ම අවස්ථාවේදී, ගෙදර ඉදලම කරන්න පුළුවන් ස්වාභාවික ප්‍රතිකාර 8 ක් තමයි මේ කියන්න යන්නේ.

මේවායින් උගුරේ තියෙන විෂබීජ විනාශ වෙලා, වේදනාව ඉක්මනින්ම අඩු වෙනවා.

– ලුණු වතුරෙන් උගුර සේදීම (Salt Water Gargle)
මෙය තමයි ලෝකයේ පැරණිම සහ සාර්ථකම ක්‍රමය. ලුණුවලට පුළුවන් උගුරේ තියෙන අනවශ්‍ය වතුර සහ විෂබීජ ඇදලා අරන් ඉදිමීම අඩු කරන්න.

මඳ උණුසුම් වතුර වීදුරුවකට ලුණු තේ හැඳි භාගයක් දමා දියකර, තත්පර 30ක් පමණ උගුර හොඳින් සෝදන්න. දවසට 3-4 වාරයක් කරන්න.

– මී පැණි සහ දෙහි (Honey & Lime)
මී පැණි කියන්නේ ස්වාභාවික විෂබීජ නාශකයක්. දෙහිවල තියෙන විටමින් C සෙම කඩන්න උදව් වෙනවා.

උණුසුම් වතුර වීදුරුවකට දෙහි ඇඹුල් තේ හැන්දක් සහ මී පැණි මේස හැන්දක් දමා බොන්න. රෑට නිදාගන්න කලින් බොන එක වඩාත් ගුණදායකයි.

– ඉඟුරු තේ (Ginger Tea)
ඉඟුරුවල තියෙන සැර ගතිය (Anti-inflammatory properties) උගුරේ වේදනාවට ඔසුවක්.

අඟලක පමණ ඉඟුරු කැබැල්ලක් තලා, වතුර කෝප්පයකට දමා හොඳින් නටවා බොන්න. තේ එකක් විදිහට බොනවා නම් සීනි වෙනුවට මී පැණි ටිකක් එකතු කරගන්න.

– කහ මිශ්‍ර කිරි හෝ වතුර (Turmeric Milk)
කහ කියන්නේ ප්‍රබල ප්‍රතිජීවකයක් (Antibiotic).

මඳ උණුසුම් කිරි වීදුරුවකට (හෝ වතුර වීදුරුවකට) කහ කුඩු තේ හැඳි භාගයක් සහ ගම්මිරිස් කුඩු ටිකක් එකතු කරලා බොන්න.

– කරාබු නැටි (Cloves)
උගුරේ කටු අනිනවා වගේ වේදනාවක් තියෙනවා නම් මේක තමයි හොඳම විසඳුම. කරාබු නැටිවල තියෙන “යුජෙනෝල්” (Eugenol) රසායනිකය ස්වාභාවික වේදනා නාශකයක්.

කරාබු නැටි 1ක් හෝ 2ක් කටේ දාගෙන හපන්නේ නැතුව, හිමින් සැරේ යුෂ උගුරට යන්න දෙන්න.

– සුදුළූණු (Garlic)
සුදුළූණුවල තියෙන “ඇලිසින්” (Allicin) කියන සංයෝගය බැක්ටීරියා සහ වෛරස් විනාශ කරන්න සමත්.

සුදුළූණු බික් එකක් පොඩියට කපලා හෝ තලලා විනාඩි 5ක් තියන්න (එවිට ඇලිසින් සක්‍රීය වේ). ඉන්පසු එය මී පැණි ටිකක් සමඟ කන්න. (රස තරමක් අමිහිරි විය හැක).

– උණුසුම් වාෂ්ප ඇල්ලීම (Steam Inhalation)
උගුර හොඳටම වේලිලා නම්, හුමාලය අල්ලන එකෙන් ඉක්මන් සහනයක් ලැබෙනවා.

උණු වතුර භාජනයකට මෙන්තෝල් අඩංගු බාම් වර්ගයක් (සිද්ධාලේප වැනි) පොඩ්ඩක් දමා, රෙද්දකින් ඔලුව වසාගෙන හුමාලය අල්ලන්න.

– කුරුඳු තේ (Cinnamon Tea)
කුරුඳුවල ප්‍රතිඔක්සිකාරක සහ බැක්ටීරියා නාශක ගුණ බොහෝමයි.

කුරුඳු පොතු කැබැල්ලක් වතුර කෝප්පයකට දමා තම්බාගෙන බොන්න. මෙය සෙම් ගතිය නැති කරන්නත් උදව් වෙනවා.

මේ අත්බෙහෙත් අත් හදාබලන ඔබ මෙන්න මේ ගැනත් විශේෂ අවදානයෙන් ඉන්න අමතක කරන්න එපා. ඒ මොකක්ද දන්නවාද?

දවස් 2-3 කට වඩා උගුරේ අමාරුව තියෙනවා නම්, උණ ගැනෙනවා නම් වෛද්‍යවරයෙක් හමුවීම අනිවාර්යයෙන්ම හමුවිය යුතුයි.

අන්තර්ජාලය ඇසුරෙන්..