රජය සංක්රමණික සේවකයින් සඳහා නිවාස ණය, විශ්රාම වැටුප් සැලසුම් නිවේදනය කර තිබෙනවා.
ඒ අනුව 2026 දී ශ්රී ලංකාව විදේශ රටවල් සමඟ වාසිදායක ගිවිසුම් කිහිපයකට එළඹුණු බවත්, කොන්සියුලර් සේවා ශක්තිමත් කළ බවත්, සංක්රමණික සේවකයින් සඳහා සුභසාධන පියවර ගණනාවක් ක්රියාත්මක කළ බවත් විදේශ කටයුතු, විදේශ රැකියා සහ සංචාරක නියෝජ්ය අමාත්ය අරුන් හේමචන්ද්ර පවසනවා.
නියෝජ්ය අමාත්ය හේමචන්ද්ර මහතා ඊයේ විදේශ කටයුතු අමාත්යාංශයේ පැවති මාධ්ය හමුවකට සහභාගී වෙමින් මෙම අදහස් පළ කළා.
දශක ගණනාවක් පැරණි විදේශ සේවා පත්වීම් පනතේ බොහෝ අඩුපාඩු ඇති බව සඳහන් කළ ඔහු, මෙම වසරේ එය සංශෝධනය කර නව විදේශ රැකියා පනතක් ලෙස ඉදිරිපත් කරන බව නිවේදනය කළේය.
තවදුරටත් කතා කරමින් ඔහු පැවසුවේ, රුපියල් මිලියන 10 ක නිවාස ණය ලබා දීම ඇතුළුව සංක්රමණික සේවකයින්ගේ සුභසාධනය සඳහා පියවර කිහිපයක් ගන්නා බවයි.
සංක්රමණික සේවකයින් කිසියම් ගැටලුවකට මුහුණ දෙන්නේ නම්, ඔවුන්ට සමාජ මාධ්ය හරහා පැමිණිලි ඉදිරිපත් කිරීමට හැකි වන බවත්, ඒ සඳහා විශේෂ විමර්ශන ඒකකයක් ස්ථාපිත කරන බවත් ඔහු තවදුරටත් සඳහන් කළේය.
පැමිණිලි ඉදිරිපත් කිරීම පහසු කිරීම සඳහා අනාගතයේදී WhatsApp අංකයක් හඳුන්වා දෙන බව නියෝජ්ය අමාත්ය හේමචන්ද්ර මහතා පැවසීය.
