ප්රවීණ නළු කැරී හිරොයුකි ටගාවා මහතා ඊයේ (4) අපෙන් සමුගත් බවට කණගාටුදායක ආරංචියක් විදෙස් වාර්තා ඔස්සේ වාර්තා වනවා. වසර හතරකට අධික කාලයක් සිනමා, රූපවාහිනී සහ වීඩියෝ ක්රීඩා තුළ අමතක නොවන චරිත රැසකට පණ දුන් මේ අසහාය කලාකරුවාගේ වියෝව ලොව පුරා රසිකයන්ගේ හදවත් කම්පා කරවන්නක්.
ටගාවා මහතා වඩාත් ප්රකට වූයේ, ලොව පුරා ප්රසිද්ධියට පත් වූ Mortal Kombat චිත්රපට මාලාවේ ඔහු විසින් නිරූපණය කළ දුෂ්ට මායාකාර ‘ෂැංග් සුන්ග්’ (Shang Tsung) චරිතයෙනි.
ඔහු ප්රථම වරට 1995 දී මෙම චරිතය රඟපෑ අතර, 1997 අනුප්රාප්තිකයට ද නැවත පැමිණියේය. පසු කාලීනව Mortal Kombat: Legacy (2013), Mortal Kombat 11 (2019) වැනි වීඩියෝ ක්රීඩා සහ නිර්මාණ සඳහා ද ඔහු මෙම අද්විතීය භූමිකාව නැවත නිරූපණය කළා.
ජපානයේ උපත ලබා, ඇමරිකානු සහ රුසියානු පුරවැසිභාවයද හිමි කරගෙන සිටි මේ විශිෂ්ට කලාකරුවා මිය යන විට 75 හැවිරිදි වියේ පසුවුණා. විදෙස් වාර්තාවල සඳහන් වන ආකාරයට, ඔහු කැලිෆෝනියාවේ සැන්ටා බාර්බරා හිදී ඊයේ දින ආඝාතයකින් ඇති වූ සංකූලතා හේතුවෙන් මෙලොව හැර ගොස් තිබෙනවා.
සිය වෘත්තීය ජීවිතය පුරාවට කළ විශිෂ්ට දායකත්වය නිසාම ටගාවා මහතා ‘ආසියානු-ඇමරිකානු ප්රජාවේ නිරපේක්ෂ පුරාවෘත්තයක්’ ලෙසද සිනමා ලෝකයේදී හඳුන්වනු ලබනවා.
ඔහුගේ වියෝව සිනමා ලෝකයට මෙන්ම ලොව පුරා රසිකයන්ටද දැඩි පාඩුවක්.
