මාලිමා ආණ්ඩුවේ ක්‍රියා කලාපයට විරෝධය දැක්වීම සඳහා ඒකාබද්ධ විපක්ෂය සංවිධානය කරන ජනරැලිය අද (21) පස්වරු 2 ට නුගේගොඩදී පැවැත්වේ.
නුගේගොඩ නගරයේදී අද දින පැවැත්වෙන විපක්ෂයේ ජන රැලිය සඳහා විවිධ ප්‍රදේශවල සිට බස් රථ 350කට අධික සංඛ්‍යාවකින් ජනතාව පැමිණෙනු ඇතැයි ශ්‍රී ලංකා පොදු ජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසීය.
ආණ්ඩුවේ මර්ධනයට එරෙහිව සහ මැතිවරණයට පෙර ලබා දුන් පොරොන්දු ඉටුකිරීම සඳහා රජයට බල කිරීමේ අරමුණින් මෙම ජන හමුව පැවැත්වෙන බව මන්ත්‍රීවරයා වැඩිදුරටත් කීය.
මෙම රැස්වීම සඳහා විශාල ජනතා උනන්දුවක් ඇති බැවින් ඊට සහභාගි වීමට විශාල පිරිසක් පැමිණෙනු ඇතැයි අපේක්‍ෂා කරනබව ද ඔහු සඳහන් කළේය.
ගාල්ල මාතර හම්බන්තොට කළුතර දිස්ත්‍රික්ක වලින්ද සෑහෙන පමණ බස්රථ පිටත් වීමට නියමිත බව හිටපු අමාත්‍ය ලක්ෂ්මන් යාපා අබේවර්ධන පැවසීය. අධිවේගී මාර්ගයේ එම බස් රථ පැමිණෙන බැවින් ඒවා දහවල් එකොලහෙන් පසුව ඒවා පිටත් වන බවද හෙතෙම සඳහන් කළේය
නුගේගොඩ රැළිය සඳහා ජනතාව බස් රථ වලින් පැමිණෙන ආකාරය දැක්වෙන ඡයාරූප රාශියක් ශ්‍රී ලංකා පොදු ජන පෙරමුණ මාධ්‍ය ඒකකය විසින් මාධ්‍ය වෙත නිකුත්කර ඇති අතර ඉන් කිහිපයක් මතු පළවේ.
