මානව සෞඛ්ය සුරැකීම සඳහා ලොව පුරා රාජ්යයන් නිර්භීත ප්රතිපත්ති අනුගමනය කිරීමට පසුබට නොවිය යුතු බව ජනාධිපති ගෝඨාභය රාජපක්ෂ මහතා අවධාරණය කරයි.
එවැනි ප්රතිපත්ති පාරිසරික සංරක්ෂණයට සහාය විය යුතු බවත් එමෙන්ම ජෛව විවිධත්වය විනාශ වීම වැළැක්වීමට සහ වඩාත් තිරසර ආර්ථික අභිලාෂයන් සාක්ෂාත් කරගැනීමට ජනතාවට සහායක් විය යුතු බවත් ජනාධිපතිවරයා පෙන්වා දෙයි.
පසුගිය 4 වනදා පස්වරුවේ ඉතාලියේ රෝම නගරයේ පැවති ලෝක ආහාර සුරක්ෂිතතාව පිළිබඳ එක්සත් ජාතීන්ගේ කමිටුවේ 48 වන සමුළුවේ කෘෂිපරිසර විද්යාව පිළිබඳ සැසිය වීඩියෝ තාක්ෂණය ඔස්සේ අමතමිනුයි ජනාධිපතිවරයා මෙම අදහස් පළ කළේ.
රසායනික පොහොර භාවිතයෙන් සම්පූර්ණයෙන් ඉවත් වීමට ගත් තීරණය කෙරෙහි ලෝක ආහාර සෞඛ්ය සංවිධානය ජනාධිපති ගෝඨාභය රාජපක්ෂ මැතිතුමා වෙත ප්රසාදය පළ කර තිබූ අතර ඊට ගෞරව දැක්වීමක් ලෙස වාර්ෂිකව පැවැත්වෙන සිය සමුළුවේ පළමු සහ විශේෂ දේශනය සඳහා ඇරයුම් කර ඇත.
දේශගුණික විපර්යාස, මානව වර්ගයා මුහුණ දෙන බරපතල ගැටලුවක් බව පෙන්වා දුන් ජනාධිපතිතුවරයා එහි බලපෑම අවම කිරීමට සියලු රටවල් සාමූහිකව ක්රියා කළ යුතු බව අවධාරණය කළේය.
කෘතිම පොහොර හා කෘෂි රසායනික ද්රව්ය ආනයනය තහනම් කිරීමට තම රජය ගත් තීරණයෙන් සෞඛ්ය සම්පන්න සහ වඩාත් පරිසර හිතකාමී කෘෂිකර්මාන්ත පද්ධතියක් සඳහා සංක්රමණය වීමට තිබූ දිගුකාලීන අවශ්යතාව සපුරා ගැනීමට හැකිවනු ඇතැයි ජනාධිපතිතුමා සන්ධාන කරන ලදී.
