පොලිස් මත්ද්රව්ය නාශක කාර්යාංශය භාරයේ රඳවාගෙන ප්රශ්න කරමින් සිටි සම්පත් මනම්පේරි නමැත්තා අද (23) අධිකරණය වෙත ඉදිරිපත් කිරීමෙන් අනතුරුව රක්ෂිත බන්ධනාගාරගත කරන ලෙස වලස්මුල්ල මහෙස්ත්රාත් නියෝග කර තිබේ.
ඒ අනුව ඔහු මිද්දෙණිය ප්රදේශයේදී අයිස් මත්ද්රව්ය නිපදවීමට යොදාගන්නා බවට සැක කෙරෙන රසායනික ද්රව්ය අඩංගු කන්ටේනර් දෙකක් සඟවා තැබීමේ සිද්ධිය සම්බන්ධයෙන් එළැඹෙන 26 වනදා දක්වා රක්ෂිත බන්ධනාගරගත කෙරුණි.
මීට අමතරව අදාළ ඉඩමේ තිබී හමුවූ අවි ආයුධ සිද්ධිය සම්බන්ධයෙන් සම්පත් මනම්පේරි නමැත්තා ඔක්තෝබර් 01 වනදා දක්වා රක්ෂිත බන්ධනාගරගත කරන ලෙසද වලස්මුල්ල මහෙස්ත්රාත්වරයා නියෝග කළේය.
මිද්දෙණිය ප්රදේශයේදී අයිස් මත්ද්රව්ය නිපදවීමට යොදාගන්නා බවට සැක කෙරෙන රසායනික ද්රව්ය අඩංගු කන්ටේනර් දෙකක් සඟවා තිබියදී සොයාගැනීමේ සිද්ධිය සම්බන්ධයෙන් අත්අඩංගුවට ගැනීමට සොයමින් සිටියදී පසුගිය 17 වනද දහවල් සම්පත් මනම්පේරි නමැත්තා අධිකරණයට භාර වුණි.
පසුව ඔහු පොලිස් මත්ද්රව්ය නාශක කාර්යාංශය භාරයේ දින 07ක කාලයක් රඳවා ප්රශ්න කිරීමට වලස්මුල්ල මහෙස්ත්රාත් මල්ෂා කොඩිතුවක්කු මෙනෙවිය අවසර ලබාදී තිබුණි.
