මීට දින කිහිපයකට පෙර සිට, ව්යාපාරිකයෙකු වන මෙම සැමියා, “වැඩේ මහන්සියට ඇඟට අමාරුයි, හොඳ ආයුර්වේද තෙල් සාත්තුවක් දාගෙන එන්න ඕන” යැයි පවසමින් නිතර නිවසින් පිටව ගොස් ඇත.
තම සැමියාගේ හදිසි “ආයුර්වේද ලැදියාව” ගැන සැක සිතූ බිරිඳ, ඒ පිළිබඳව රහසේ සොයා බලා තිබේ.
ඊයේ දහවල් ද, “වැදගත් මීටින් එකක්” යැයි පවසා නිවසින් පිටත් වූ සැමියාගේ මෝටර් රථය, ඔහුගේ මිතුරෙකුගේ සහාය ඇතිව මෙම බිරිඳ විසින් සොයාගෙන ඇත.
සැමියා ඇතුළු වී තිබුණේ, මතුපිටින් ඉතා විනීත ලෙස පවත්වාගෙන යන බවට පෙනෙන “ස්පා” මධ්යස්ථානයකටය.
කිසිත් නොදත් ලෙසින්, “මටත් ස්ට්රෙස් එකට හොඳ මසාජ් එකක් කරගන්න ඕන” යැයි පවසමින් ඇය එම ස්පා මධ්යස්ථානයට ඇතුළු වී තිබේ.
එහි පිළිගැනීමේ නිලධාරිනියට මුදල් ගෙවා ඇතුළට ගිය ඇයට, අඩ අඳුරේ සකසා තිබූ කාමරයකින් තම සැමියාගේ කටහඬට සමාන හඬක් ඇසී ඇත.
වහාම එම කාමරයට කඩා වැදුණු ඇයට දැකගැනීමට හැකිවී ඇත්තේ, තම සැමියාට තරුණියක් විසින් “සුවය” ලබාදෙමින් සිටින ආකාරයයි.
මේ සමඟම වියරු වැටුණු බිරිඳ, “තමුසෙට මම ගෙදරදී දෙනවා නියම සනීපේ! මේවද තමුසෙගෙ මීටින්?” යි කෑ ගසමින් සැමියාට සහ අදාළ සේවිකාවට බැණ වැදී ඇත. ඇතිවූ කලබලයත් සමඟ ස්පා මධ්යස්ථානයේ කළමනාකරු ඇතුළු සේවක පිරිස දිව විත් තත්වය පාලනය කිරීමට උත්සාහ කර ඇතත්, එය ව්යර්ථ වී තිබේ.
අවසානයේදී, ලැජ්ජාවෙන් සහ බියෙන් තැතිගත් සැමියාගේ අතින් ඇදගෙන, “යං ගෙදර, මම බලාගන්නම් අද තෙල් සාත්තුවේ ඉතුරු ටික!” යැයි පවසමින් බිරිඳ ඔහුව එතැනින් පිටතට රැගෙන ගොස් ඇත.
මෙම සිදුවීම නිසා ස්පා මධ්යස්ථානයේ සේවය ලබාගැනීමට පැමිණි අනෙකුත් පිරිස් ද අපහසුතාවයට පත් වූ අතර, ප්රදේශයේ ජනතාවද ඒ අවට රැස්වී සිදුවන්නේ කුමක්දැයි විමසිලිමත් වී තිබේ.
මෙවැනි මධ්යස්ථාන නාමිකව “ස්පා” ලෙස පවත්වාගෙන ගියද, ඇතුළත සිදුවන්නේ වෙනත් දේවල් බවට ප්රදේශවාසීන් අතර කලක සිට කසුකුසුවක් පැවති බවද දැනගන්නට ඇත.
