රුපියල් 1000 ක RELOAD එකක් දිනාගැනීමේ ගණිත ගැටලුව
ලොරිරථයේ බැටරිය ආරක්ෂා කර ගැනීමට නිවසක ඇද තිබූ අනවසර විදුලි රැහැනක පැටලීමෙන් 5 හැවිරිදි දරුවකුට විදුලිසර වැදී සිටි අවස්ථාවේ ඔහුව බේරා ගැනීමට ගිය 38 හැවිරිදි මව ද විදුලිසර වැදී දෙදෙනාම මියගිය ඒ කණගාටුදායක පුවත අහන්න ලැබුණේ සූරියවැව ප්රදේශයෙන්.. සූරියවැව පොලිසිය පවසන පරිදි මෙලෙස මියගොස් තිබුණේ ඉනෝෂා හර්ෂණී නමැති සිව්දරු මාතාවක හා ගඟන ඉඳුවර නමැති ඇගේ පුත්රයායි..
මියගිය පුතා පාපැදියකින් යාබද නිවසකට යමින් සිටියදී සිය වත්තේ ඇද තිබූ අනවසර විදුලි රැහැනක පැටලී විදුලිසර වැදී තිබෙනවා… ටික වේලාවක සිට සිය දරුවා නිවසේ නොසිටීම හේතුවෙන් මව ඔහු සොයා ඇති අතර එහිදී විදුලිසර වැදී වැටී සිටි දරුවාව දැක තිබුණා… එම අවස්ථාවේ මව එම දරුවා බේරා ගැනීමට සිතා ඇඟෙන් ඇල්ලීමේදී ඇයට ද විදුලිසර වැදී එම ස්ථානයේදීම මියගොස් තිබූ බව පොලිසිය පවසනවා..
මෙම නිවසේ ලොරි රථයක් ඇති අතර, ලොරි රථයේ බැටරිය සොරුන්ගෙන් ආරක්ෂා කර ගැනීම සඳහා මෙම අනවසර විදුලි රැහැන් ඇද තිබූ බව විමර්ශනවලදී අනාවරණය වී තිබෙනවා.. මෙම සිද්ධියට අදාළව අත්අඩංගුවට ගත් තරුණයා ඇඹිලිපිටිය මහෙස්ත්රාත් අධිකරණයට ඉදිරිපත් කිරීමට නියමිතව තිබුණා…
සූරියවැව පොලිස් ස්ථානාධිපති පොලිස් පරීක්ෂක අයි. එම්. රාජරත්න මහතාගේ උපදෙස් මත අපරාධ විමර්ශන අංශයේ ස්ථානාධිපති පොලිස් පරීක්ෂක ලලිත් මහතාගේ මෙහෙයවීමෙන් වැඩිදුර පරීක්ෂණ පැවැත්වෙනවා..
