විවිධ කතා මැද මේ කියන්න යන්නේ ඔබ බොහොම කැමැත්තෙන් බලාගෙන සිටි සුබ ආරංචියක් වෙන්න පුළුවන්..
ශ්රී ලංකාවේ දළ විදේශීය නිල සංචිතයට අවහිරතාවක් ඇති නොවන ආකාරයට රථ වාහන ආනයනය සඳහා වූ අවශ්ය නිර්දේශ ශ්රී ලංකා මහ බැංකුව මඟින් දැනටමත් මුදල් අමාත්යාංශයට ලබා දී තිබෙනවා..
වසර 2022දී ශ්රී ලංකාව ඉතිහාසයේ දරුණුතම ආර්ථික අර්බුදයට මුහුණ දුන් අතර එම අවස්ථාවේ එවක පැවති රජය භාණ්ඩ දෙදහසකට අධික ප්රමාණයකට ආනයන සීමා පැනවුණා.. නමුත් ක්රමිකව එම සීමා ලිහිල් කිරීමක් ද සිදු කරනු ලැබුණා…
ඒ අනුව අවසාන ලිහිල් කිරීම ලෙස සිදු කළ යුත්තේ සීමා කිරීමකින් තොරව රථ වාහන ගෙන්වීමට ඉඩ දීමයි.. ලබන වසරේ පෙබරවාරි මාසයේදී රථ වාහන ආනයනය සඳහා මුළුමනින්ම ඉඩ ලබාදීම කෙරෙහි පසුගිය රජය අවධානය යොමු කොට තිබුණා…
එම තීරණයෙහි වෙනසක් ඉදිරියේදී සිදු කෙරෙන්නේදැයි ඉකුත්දා ශ්රී ලංකා මහ බැංකුවේ පැවැති මාධ්ය හමුවකදී මාධ්යවේදියකු මහ බැංකුව අධිපති ආචාර්ය පී. නන්දලාල් වීරසිංහ මහතාගෙන් විමසීමක් කළා..
ඊට පිළිතුරු දුන් මහ බැංකු අධිපතිවරයා එහිදී සඳහන් කළේ, ශ්රී ලංකාවේ නිල විදේශීය සංචිතයට බලපෑමක් නොවන ආකාරයට වාහන ගෙන්වීමට අවශ්ය නිර්දේශ තමන් දැනටමත් මහා භාණ්ඩාගාරයට දී ඇති බවයි..
නමුත් ඒ ආකාරයට කටයුතු සිදු කරන්නේදැයි යන තීරණය ගත යුත්තේ මුදල් අමාත්යාංශය බව ද ඔහු මෙහිදී අවධාරණය කළා..
