ශ්රී ලංකාව දිගු කලක් තිස්සේ අපේක්ෂා කළ වාහන ආනයනය නැවත ආරම්භ කිරීමට සූදානම් වන අතර, නව රජය තවමත් එහි නිශ්චිත සැලසුම් පිළිබඳව ප්රකාශයක් කර නැහැ.
කෙසේ වෙතත්, වත්මන් ආර්ථික තත්ත්වය අභිමුව වාහන ආනයනය ක්රියාත්මක කිරීමට ඉඩ සලසන බැවින්, පසුගිය රජය විසින් සකස් කරන ලද රාමුව සමඟ ඉදිරියට යා හැකි බවයි මහ බැංකුවේ මෙන්ම මුදල් අමාත්යාංශයේ නිලධාරීන් පවසා සිටින්නේ.
ශ්රී ලංකා මහ බැංකුවේ අධිපති නන්දලාල් වීරසිංහ අවධාරණය කළේ පසුගිය රජය වාහන ආනයන තහනම ක්රමයෙන් ඉවත් කිරීමට හේතු වූ මූල්ය තත්ත්වය රජය මාරුවීමෙන් පසුව ද නොවෙනස්ව පවතින බවයි.
“පසුගිය රජය මෙම තීරණය ගත් විට, අවශ්ය තාක්ෂණික විශ්ලේෂණයන් සිදු කිරීමෙන් පසු මහ බැංකුව නිර්දේශ ලබා දුන් බවයි ඔහු පවසා සිටියේ.
2025 පෙබරවාරි 1 වැනිදා වන විට පුද්ගලික වාහන ආනයනය සඳහා පනවා තිබූ සීමාවන් සම්පූර්ණයෙන්ම ලිහිල් කිරීමට සැලසුම් කර ඇති බව පසුගිය පාලනාධිකාරිය නිවේදනය කර තිබුණා.
මහ බැංකු අධිපතිවරයා ප්රකාශ කළේ මූල්ය තත්ත්වයන් අපේක්ෂිත ගමන් මගෙහි දිගටම පැවතුනහොත් තීරණය පවත්වාගෙන යාම කළහැකි බවයි. කෙසේ වෙතත් වාහන ආනයනය පිළිබඳ අවසන් තීරණය මුදල් අමාත්යාංශය සතු බවයි ඔහු වැඩිදුරටත් පවසා සිටියේ.
එච්එස් කේත 304ක් යටතේ වර්ගීකරණය කර ඇති මෝටර් වාහන සහ මෝටර් නොවන භාණ්ඩ ආනයනය කිරීම තාවකාලිකව අත්හිටුවීම ඉවත් කිරීම අදියර තුනකින් සිදු කරන බව පසුගිය රජය ප්රකාශ කළා. එනම් .
අදියර 1: පොදු මගී ප්රවාහන වාහන, විශේෂ කාර්ය වාහන සහ අනෙකුත් මෝටර් නොවන භාණ්ඩ ආනයනය කිරීමට 2024 ඔක්තෝබර් 1 වැනිදා සිටත්
අදියර 2: වාණිජ හෝ භාණ්ඩ ප්රවාහන වාහන ආනයනය කිරීම තාවකාලිකව අත්හිටුවීම 2024 දෙසැම්බර් 1 වැනිදා සිටත්
අදියර 3: පුද්ගලික භාවිත මෝටර් වාහන (මෝටර් රථ, වෑන්, ක්රීඩා උපයෝගිතා වාහන, පිකප් ආදිය ඇතුළුව) ආනයනය 2025 පෙබරවාරි 1 වැනිදා සිටත්
අවසර ලබා දෙන බවයි.
නව පරිපාලනය සිය ප්රවේශය අවසන් කරන විට පවතින ප්රධාන කොන්දේසි මාලාවක් පසුගිය රජය විසින් හඳුන්වා දුන්නා.
ආනයන ප්රතිපත්තිය මගින් පරිසර හිතකාමී වාහන සඳහා ප්රමුඛත්වය දෙන බවයි එම කොන්දේසිවල අන්තර්ගත වූයේ.
දැඩි වායු විමෝචන ප්රමිතීන් හඳුන්වාදීම, යුරෝ 4 සිට යුරෝ 6 අනුකූලතාව දක්වා මාරුවන අතර මෙම ප්රතිපත්තිය මගින් විදුලි වාහන ප්රවර්ධනය කරන අතර විශේෂයෙන්ම විද්යුත් ත්රිරෝද රථ දේශීයව එකලස් කිරීම, රථවාහන අනතුරු ඇති කිරීම සඳහා පෙට්රල් හෝ ඩීසල් බලයෙන් ක්රියාත්මක වන ත්රිරෝද රථ ආනයනය කිරීමට අවසර නොදන බවත් එහි අන්තර්ගත වූවා.
ආනයන සැලැස්ම ඉදිරියට ගෙන යාමට රජය ධනාත්මක අදහස් ලබා දෙන බව ලංකා වාහන ආනයනකරුවන්ගේ සංගමයේ (VIAL) සභාපති ඉන්දික සම්පත් මෙරිංචිගේ පසුගියදා තහවුරු කර සිටියා.
කෙසේ වෙතත්, වාහන සඳහා 600%ක ආනයනික බද්දක් පැනවෙන බවට පසුගිය කාලයේ පැතිර ගිය කටකතා පදනම් විරහිත බව ප්රතික්ෂේප කළ ඔහු, එවැනි වැඩිවීමක් වෙළඳපොළ අඩාල කරන බවයි අවධාරණය කර සිටියේ.
