රුපියල් 1000 ක RELOAD එකක් දිනාගැනීමේ ගණිත ගැටලුව
බැංකොක් නුවරින් පිටත පාසල් සිසුන් ප්රවාහනය කරමින් සිටි බස් රථයක් මෙලෙස අනතුරට ලක්වී ගිනි ගැනීමෙන් ළමුන් විසිදෙනෙකුගේ සහ ගුරුවරුන් තිදෙනෙකුගේ මළ සිරුරු සොයා ගැනුණා.
බස් රථය රටේ උතුරු ප්රදේශයේ පාසල් චාරිකාවකට ගොස් තායි අගනුවර වෙත ආපසු පැමිණෙමින් තිබියදි මෙලෙස අනතුරට ලක් වුණා.
සිද්ධිය වූ ස්ථානයෙන් ලබාගත් වීඩියෝ දර්ශන වලින් පෙන්නුම් කරන්නේ බස් රථය මංසන්ධියක් යට දී දැවෙමින් තිබෙන අයුරු සහ ඝන කළු දුම් වලාවන් අහසට නැගෙන අයුරුයි.
මාරාන්තික අනතුරෙන් පසුව ගත් දර්ශන වලින් පෙන්නුම් කරන්නේ රියදුරු ගින්න නිවීමට උත්සාහ කරන අයුරුය.
කෙසේ නමුත් ඔහු පසුව සිද්ධි ස්ථානයෙන් පලා ගොස් තිබූ අතර ප්රාදේශීය මාධ්ය වාර්තා අනුව, රියදුරු බැංකොක් නුවරින් සැතපුම් 61ක් උතුරින් පිහිටි පොලිසියකට භාර වී ඇත.
සාක්ෂිකරුවන්ගේ ප්රකාශ අනුව, බැංකොක් නුවරින් උතුරට වන්නට ඉදිරිපස ටයරයක් පිපිරීමෙන් පසු බස් රථය මහාමාර්ගය දෙකට බෙදන කොන්ක්රීට් බාධකයට ගැටී තිබේ.
ගින්න ඇති වූ හේතුව තවමත් නොදන්නා බව කියැවේ.
බස් රථය ඉතා ඉක්මනින් දැඩි ගින්නකට හසුවූ අතර, එහි සිටි බොහෝ දෙනෙකුට එයින් පිටවීමට නොහැකි විය.
ළමුන් දහනව දෙනෙකු සහ ගුරුවරුන් තිදෙනෙකු බේරී ඇති අතර, ඉන් දහසය දෙනෙකු තුවාල සඳහා රෝහල්ගත කර ප්රතිකාර ලබමින් සිටින බව වාර්තා වේ.
ප්රවාහන අමාත්ය සූරියහේ ජුවාන්ග්රන්වාන්ග්කිට් පවසා ඇත්තේ බස් රථය “අතිශයින් අවදානම් සහගත” සම්පීඩිත ස්වභාවික වායුවෙන් ක්රියාත්මක වූ බවයි.
“මෙය ඉතා අවාසනාවන්ත සිදුවීමක්,” සූරියහේ මහතා සිද්ධිය වූ ස්ථානයේදී මාධ්යවේදීන්ට පැවසීය.
සෙවීම් කටයුතු මෙහෙයවූ පියලක් තින්කෑව් පවසා ඇත්තේ මළ සිරුරු හඳුනා ගැනීම අපහසු වූයේ ඒවා දැඩි ලෙස පිළිස්සී තිබූ නිසා බවයි.
“අපි සොයාගත් ඇතැම් මළ සිරුරු ඉතා, ඉතා කුඩා ඒවා,” ඔහු සිද්ධිය වූ ස්ථානයේදී මාධ්යවේදීන්ට පැවසූ අතර, ගින්න ඇති වූයේ බස් රථයේ ඉදිරිපසින් බවද කීය.
“අනතුර අවස්ථාවේ ළමුන් පසුපසට පලා යාමට උත්සාහ කර තිබූ බව පෙනුණා.. මළ සිරුරු තිබුණේ එහිය,” ඔහු පැවසීය.
අධිකරණ වෛද්ය පොලිසිය පවසා ඇත්තේ සොයාගත් මළ සිරුරු 23න් එකොළහක් පිරිමි, හතක් ගැහැණු සහ තවත් පහක් හඳුනාගත නොහැකි තත්ත්වයේ පැවති බවයි.
