බස්නාහිර, සබරගමුව සහ වයඹ පළාත්වලත්, ගාල්ල, මාතර, මහනුවර සහ නුවරඑළිය දිස්ත්රික්කවලත් විටින් විට වැසි හෝ ගිගුරුම් සහිත වැසි ඇතිවිය හැකි බව කාලගුණ විද්යා දෙපාර්තමේන්තුව පවසනවා.
බස්නාහිර සහ සබරගමුව පළාත්වලත්, ගාල්ල සහ මාතර දිස්ත්රික්කවලත් ඇතැම් ප්රදේශවලට මි.මී.50 ට වැඩි තරමක තද වැසි ඇතිවිය හැකියි.
ඌව පළාතේත් , මඩකලපුව සහ අම්පාර දිස්ත්රික්කවලත් සවස් කාලයේ හෝ රාත්රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවන බව සඳහන්.
මධ්යම කඳුකරයේ බටහිර බැවුම් ප්රදේශවල සහ උතුරු, උතුරු මැද සහ වයඹ පළාත්වලත්, හම්බන්තොට සහ ත්රිකුණාමලය දිස්ත්රික්කවලත් විටින් විට හමන පැ.කි.මී. (40-50) ක පමණ තද සුළං ඇතිවිය හැකියි.
ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලීමක් කළා.
මේ අතර දෘශ්ය ලෙස සූර්යයා දකුණට ගමන් කිරීමේදී, පසුගිය අගෝස්තු මස 28 වන දින සිට සැප්තැම්බර් මස 06 වැනිදා දක්වා ශ්රී ලංකාව ආසන්න අක්ෂාංශවලට සෘජුවම ඉහලින් පවතිනු ඇති.
ඒ අනුව අද දින (04) දහවල් 12:09ට කළුතර, නිවිතිගල, කහවත්ත සහ ඔකන්ද යන ප්රදේශවලට හිරු මුදුන්ව පවතින බව වැඩිදුරටත් සඳහන්.
