මම අහිංසකයි. වෛද්‍යවරිය වැටිලා ඉන්නවා මම දැක්කා – ලෝකයම සසල කල ඉන්දීය වෛද්‍යවරියගේ ඝාතනයේ චුදිතයා වෙනස්ම කතාවක් කියයි

නීතීඥ කවිතා සර්කාර් සමඟ අදහස් දක්වමින් ඔහු කියා සිටියේ පරීක්ෂණයේදී තමා නිර්දෝෂීභාවය පවත්වා ගත් බවයි..

රෝයි සමඟ සම්බන්ධ වූ නීතිඥයින් පවසන්නේ පරීක්ෂණය අතරතුර, ඝාතනය කිරීමෙන් පසු ඔහුගේ ඊළඟ ක්‍රියාව කුමක්ද යන්න ඇතුළුව ප්‍රශ්න 10 ක් පමණ ඔහුගෙන් ඇසූ බවයි..

මෙහිදී නීතිඥවරු අසන ප්‍රශ්නවලට රෝයි බාධා කරමින් කියා සිටියේ තමන් මෙම ඝාතනය සිදු නොකළ බවයි..

ඔහු කාමරයට ඇතුළු වූ බවත්, වෛද්‍යවරිය සිහිසුන්ව වැටී සිටි බවයි ඔහු පවසා සිටියේ..

ඔහුගේ නීතීඥයින් කියා සිටියේ ඔහුගේ ශාස්ත්‍රීය පසුබිම ඇතුළු විවිධ ප්‍රශ්න ඔහුගෙන් අසන ලද බවයි..

ඔහු කාමරයට ඇතුළු වූ විට ඇය ලේ වලින් වැසී සිටිනු දුටු බවත් කලබලයට පත් තමා එම ස්ථානයෙන් දිව ගිය බවයි ඔහු පවසා සිටියේ..

ඔහු වැරදිකරුවෙකු නොවේ නම් RG Kar රෝහලේ පොලිස් මුරපොලට දැනුම් නොදුන්නේ මන්දැයි CBI නිලධාරීන් ඔහුගෙන් විමසූ විට, රෝයි පැවසුවේ තමා කලබල වූ බවත් කිසිවෙකු ඔහුගේ ප්‍රකාශ විශ්වාස නොකරනු ඇතැයි බිය වූ බවයි..

ප්‍රෙසිඩන්සි බන්ධනාගාරයේ අධි ආරක්‍ෂිත වාට්ටුවක රඳවා සිටින රෝයි කතා කරන ආකාරය තුළ භීතියේ හැඟීමක් ඇති බව පෙනෙන බවයි එම නිලධාරින් පවසන්නේ..

මේ වන විට සාක්ෂිකරුවන් ගණනාවක් සමඟ කතා කර ඇති CBI නිලධාරීන් විශ්වාස කරන්නේ රෝයි අවධානය වෙනතකට යොමු කිරීමට සහ විමර්ශකයින් නොමඟ යැවීමට උත්සාහ කර ඇති බවයි..

නමුත් රෝයිගේ නීතීඥයින් කියා සිටියේ ඔහුගේ ප්‍රකාශය සත්‍ය අසත්‍ය බව තහවුරු කර ගැනීම සඳහා CCTV දර්ශන සමඟ තහවුරු කළ හැකි බවයි..

“ඔහුට එතරම් පහසුවෙන් ශාලාවට ප්‍රවේශ විය හැකි නම්, එදින රාත්‍රියේ ආරක්‍ෂක දෝෂයක් සිදුවී ඇති බවත්, වෙනත් අයෙකුට ද එයින් ප්‍රයෝජන ගත හැකිව තිබූ බවත් එයින් පෙන්නුම් කෙරේ” යනුවෙන් රෝයි වෙනුවෙන් නීති ආධාර ආරක්ෂක උපදේශක පද්ධතිය විසින් පත් කරන ලද නීතිඥ සර්කාර් පවසා සිටියා..